香港新浪網 MySinaBlog
« 上一篇 | 下一篇 »
Eric Yim | 18-01-06, 23:00 PM | 生活點滴 | (154 Reads)
今日响架車度,一路聽住mp3,一路由個窗口度睇風景,突然俾車內部電視給引到我將聽緊既mp3熄左,好專心咁留意個節目。

(19/1/2006 更新)

個節目係講一間集團式經營既餐廳,個老細介紹佢點經營呢間野,佢話佢係一個字"C. A. T. "去經營呢檔生意。
C = Confidence 要有信心做好菜式對待客人
A = Alert 要經常警惕去改進菜式和服務
T = Touch要多與員工接解,了解員工

原來呢間野做生意方式係咁有哲學,哈哈哈。
Confidence,有咩 ? 如果真係咁有信心,就吾會經常轉餐牌。剛出一個新早餐餐牌,試左 2 日見生意有升(呢 2 日係星期六、星期日),到左第 3 日去番平日,跌少少係一個正常既調整,就馬上要轉餐牌,咁係信心既表現。萬聖節當日午才突然要攪萬聖節餐,舉棋不定,呢樣又係信心既表現。

Alert,會咩 ? 呢度鍾意日改夜改餐牌,咁可能咪係警揚既一種表現。經常被客人投訴服務態度,所以咪要經常警揚自已去改,但改極都改吾到者,無計。高昂既價錢,普通到不得了既食物,所以咪要警揚不斷去改進食物黎逃避客人。

Touch,做過咩 ? 多去了解員工,結果咪係員工仍然不斷流失,不斷有人推工。

老板你真係好野,一年以黎你只係坐响總公司度,檔野你都已經交左俾你身邊既人去打理,呢檔野既寫字樓你呢一年黎只係試過一次係咁易黎過坐十分鐘,個目的仲係完全同經營無關,除左每日睇email所俾你既sales之外,乜你有理過 d 餐種、有理過前線員工咩 ? 你只會約人傾野時先會同埋人一齊落去當傾生意既地方。C. A. T. 呢個經營方式,响一年以黎我都從未見過有行過呢樣野,你可以咁有信心、咁肯定响電視度同人講你用呢套野去管理呢間野,仲講到頭頭是道,直情好似你日日攞住C. A. T. 去run呢間公司咁。真好野,真好野,真不愧為生意人、食大茶飯,商人一字當之無愧。

「大丈夫當如此也」

P.S.假設   成功人士 -> 提出佢地既成功理論/提出佢地既成功經驗(問題係會吾會將任何明與暗都交待) -> 有市場(別人的成功是一個品牌) -> 出書 -> $


[1]

其實好多老細都係咁,佢地唔要好叻&好有天份既員工,佢地只要幫佢地賺到錢既員工....

不過親力親為既,就算賺到錢都應該啦,我地要以佢為榜樣啦..


[引用] | 作者 gOLdFiSh | 19-01-06 01:28 AM | [舉報垃圾留言]

[2]

我都看了,真是商人多大話!


[引用] | 作者 Carson | 22-01-06 03:52 AM | [舉報垃圾留言]

[3]

HaPPy nEw YeAr To All mY beSt.....!!!

祝賀大家新年快快樂樂....事事如意....健健康康....

收入要"步步高升",職位要"心想事成",事業要"馬到功誠"


[引用] | 作者 gOLdFiSh | 29-01-06 13:19 PM | [舉報垃圾留言]