香港新浪網 MySinaBlog
« 上一篇 | 下一篇 »
Eric Yim | 16-12-07, 12:03 PM | 我手寫我心 | (154 Reads)

由 01 年 4 月開始踏入社會工作後,我經歷過多份吾同既工作,直至而家呢份工作先算係穩定左少少,由 06 年既 3 月做到而家,都做左 21 個月。

同樣由 01 年至今,响我經常轉換工作環境既同時,亦同時睇住香港經濟既不斷變遷......。

由出道至今,眼見沙士、大遊行、雙失青年、人人無工開、特道下台、樓市不振、CEPA、自由行、股市 3 萬點。竟究而家個經濟係咪真係咁好呢 ?

話個經濟好咩 ? 無錯,抽下新股、買下中資股,係可以搵下錢 ; 市面暢旺,多人買野 ; 失業率低,人人有工開。

經濟吾好 ? 又似喎,而家要截架的士話咁易,又有 8 折的士,如果好景又邊會有咁既情況出現 ; 失業率低,但好多中年人都無工做 ; 報紙又成日報大企業、大公司點剝削員工,員工點樣辛苦過活。

究竟而家經濟究竟係好係壞 ? 而家我做緊既公司係做零售生意,每年一向又去工展會擺攤位既習慣,我係响呢間亦正經歷第 2 年既工展會,因為要到會場幫手既關係,亦可以話係正正式式咁面對下個市場。對比今年和上年,由我自己既親眼所睇,人流方面和上年差吾到,人流既高峰時段 2 年都係差吾多。但今年黎行既人真係比上年既人肯使錢,疏爽得多。有人問過我係咪有好多自由行既人黎買野,所以先搞旺個市,但又好似吾多係喎,個工展會開左 9 日,我落過實地 4 日,收親既錢都係港紙,部預先準備左既人民幣驗錢都未用過,證明港人消費又真係高左......。

旺、淡 ?

其實而家香港已經越來越兩極化,有錢既人,係懂得運用現今科技來謀生既人、10 年前已經累積一定財富既人,他們雖亦一同經歷經濟低潮,但亦能保存一定財富至今,到了市場又再暢旺的今日,又再重新錢搵錢、而肯拼搏既人無論响任何環境都可以有出頭的機會。

相反,貧窮既,係低技術既人,因為佢地好大機會會淹沒响現今呢個急速變化既社會巨輪之下、而一向低收入既家庭亦係好不幸,因為佢地收入不高,只係維持一家既生活已經好困難,直接影响到下一代可以得到既資源,做成一個低收入既循環,一代傳一代。

香港經濟是好、差 ? 已經好難有一個絕對既客觀標準。


[1] 升升升

人仔已經升到好高啦!~

澳門幣110先得人仔100炸!

﹍◎LoWrEnCe●◇
[引用] | 作者 ﹍◎LoWrEnCe●◇ | 16-12-07 18:05 PM | [舉報垃圾留言]