香港新浪網 MySinaBlog
« 上一篇 | 下一篇 »
Eric Yim | 08-01-06, 23:52 PM | 生活點滴 | (148 Reads)
3 年前聖誕節過過 1 次澳門,事隔 3 年後終於再次重遊。

人物同 3 年前差吾多,都有我、大舊、呀叔,今次有埋文文。因為真係以去遊為目的,所以係去食、玩、睹(只係當做其中一個節目)。

先講下個漁人碼頭,其實呢個怪怪地,有機動遊戲玩,有餐廳食野、有購物商舖(吾係一般既賣紀念品商舖,而係真係購物舖,有body shop、正官庄等,但呢度又真係有間賣紀念品既舖頭)、有表演睇既廣場。所以我反而覺得佢個主題太廣泛,仲有一樣好離譜,呢度有好多舖頭仲係末裝修。之不過,呢度既建築物都係以西方 2、3 層高既建築物作藍本,再加上建於海邊,所以景色係幾好。還有,呢度吾駛入場費,機動遊戲亦係玩先俾錢,所以都去得過。
Picture
 漁人碼頭近入口處

Picture
 有好多類似既吉舖或裝修中的舖,呢度好似開得急左 d

另一個地點要講下就係個金沙賭場,我今次去呢度佢只係開放左 2 層俾人玩。呢度個樓底高到不得了,d 賭枱又係多到不得了,個賭場又係大到不得了,d 荷官亦無兇神惡殺,起碼都 5 官端正。還有,呢度成日有人托住飲品任人攞,我都無執輸,飲左一杯奶茶、一杯可槳、一杯茶,呢度仲架勢在有部流動水吧車,俾人去攞茶飲,真係好正。呢度仲有中餐廳去食野,雖然我無去過,但我諗都吾會差卦,吾通要人輸錢仲要俾 cheap 野人食咩。仲有,呢度而家有 $100 枱俾人玩,0岩晒想去玩下但又吾係玩得大既人喇。
Picture
 金沙外貌

今次我都有行過下葡京,但係係去完金沙之後,發覺係無得比,無論面績、氣派、服務,都真係差幾條街。但响葡京有件事呀叔叫我一定要講返出黎,話說我地响葡京睇人玩 21 點,有個女人派到 2 隻 A,佢吾識將 2 隻 A 分為 2 副,佢就咁照玩 2 隻 A,之後佢要牌,派到隻公仔,佢立刻得 12 點,之後佢再要牌,又係一隻公仔,22 點即刻死得。嘩,天呀,如果佢該分 2 副玩,2 副都 Black Jack,結果佢就由可以贏 $600 (Black Jack 賠1.5倍,一分牌要落同樣注額)變成輸 $200(最低下注額),呀叔同我講叫我呢件事吾講吾到,佢一講到呢件事即刻咬牙切齒,如果件事係發生响一個佢識既人身上,我諗呀叔打佢都似。呢單野呀叔記一世都似,佢以後一講親澳門,實會同人講番呢件事。

之於一些要去地方,例如食豬排飽,今次都有去,個味道同 3 年前真係無咩分別,反而下次一定要記得吾好咁早去食,因為豬排成全日供應,反而個飽就要 3 點後先有得食,所以今次我都只係可以食到件豬排多(3 年前都係食豬排多)。

仲有澳門個環境比 3 年前我覺得市中心變化真係大左,因為有好多興建中或己建成的酒店,反而我所住既乙水仔變化就吾多大。不過呢度因為人口同車既數目吾會好似香港咁密,所以空氣真係好好多,同埋行街吾會話好似旺角咁迫人。但呢度就一定吾會有香港咁周街靚車既情況。
Picture
 呢架車既車頭爛到要用牛皮膠紙膠住,如果响香港拎呢架車出街,實俾人笑死。


[1]

看來個漁人碼頭真的不錯,真是要去一去.


[引用] | 作者 Carson | 12-01-06 01:40 AM | [舉報垃圾留言]

[2]

感覺都幾好架,不過我就鐘意映相多一d啦,而且佢地既店舖,香港都有,根本就唔駛係個邊買,如果係手信既店舖都可以考慮,做個紀念呀...

夜晚去,夜景會幾靚


[引用] | 作者 gOLdFiSh | 13-01-06 13:45 PM | [舉報垃圾留言]