香港新浪網 MySinaBlog
« 上一篇 | 下一篇 »
Eric Yim | 25-11-07, 23:53 PM | 籃球 | (303 Reads)

而家每個星期既六、日,收費電視例必會播 NBA。今朝早既戲碼認真麻麻地,由波士頓塞爾特人對夏洛特山貓,波士頓今年大肆擴軍,隊內三大王牌 Ray Allen、Paul Pierce、Kevin Garnett 組成既鐵三角打到識飛咁,開季至今打左 11 場,只輸 1 場,今日既對手山貓,無咩球星既味道,開季至今 6 勝 6 負,成績一般,但隊波一向有魚腩感覺,所以無心一早起身睇波。

但係今朝起身時,循例開電視睇下山貓會輸成點,已經係第 3 節時間,點知山貓居然以輕微分數領先,而且打得好勤力、有板有眼。去到最後既第 4 節,兩隊波仍然拉鋸當中,雙方互有領先。山貓球員打到異常落力,對比波士頓更勝一籌,而且波士頓當中王牌 Ray Allen 完全缺態。

最後 4 秒,山貓領先 95 比 93,而且發球權在山貓手上,形勢上波士頓已經輸了。不過戲劇情況發生,山貓開出的界外球被波士頓球員干擾了,籃球經兩下子到了狀態不佳的 Ray Allen 手上,不容任何考慮的情況下,一記 3 分球,球直穿籃球框,波士頓以 96 比 95 反勝。

山貓做出了 47 分 56 秒優異表現又如何,到最後 4 秒未能成功將球控制到自己手上,未能完全在球賽的 48 分鐘內打敗對手,最後仍然是失敗者。Ray Allen 整場球賽只拿下 14 分,相比一向的平均 19 分為低,但最後取得關鍵的一記 3 分球,反敗為勝成為勝利者。足球有勝負和之分,但籃球只有勝負之分,所以籃球場永遠都只是英雄地,打得漂亮根本沒有意思,重要的只是結果,贏便是勝利者 ; 輸便是失敗者,沒有灰色地帶。


[1] 灰色地帶

打得幾靚又有何用,到頭來輸咪都係輸!~

﹍◎LoWrEnCe●◇
[引用] | 作者 ﹍◎LoWrEnCe●◇ | 27-11-07 20:28 PM | [舉報垃圾留言]