香港新浪網 MySinaBlog
« 上一篇 | 下一篇 »
Eric Yim | 15-11-07, 00:29 AM | 生活點滴 | (298 Reads)

儘管已有預算,但到阻滯出現時,一切預算也是白費,唯有隨機應變。 (15/11 更新)

每次出親香港境外做野,總會搞到十點、十一點先返到屋企,所以令日去同一個維修師父去澳門工作,一早同師父講好要一早搭船去澳門,務求盡返到黎香港。點知,惡夢來臨....。

今朝一早八點九去到尖沙咀碼頭,點知可以買到最快既船飛係一點鐘船,吓........自從年初開始要間中過澳門做野之後,大大話至今都去過有成十幾次,都未試過買吾到即時船飛既。見到咁既環境,吾對路,即刻轉戰中環,由中環去澳門,因為尖沙咀三十分鐘一班船,而中環就十五分鐘一班船,點計都應該易買 d。點知去到中環碼頭,情況都吾好得幾多,我十點鐘去到中環碼頭,最快既船係十一點五十分。無辦法喇,師父又一早約晒今日過去,而 d 工作又一早定晒,焗去。唯有搭十一點五十分船去。

令日既船咁暴,以我自己估計,係因為由十五號到十八號澳門有賽車既關係,搞到今日買張飛都咁難,不過都係我自己估啫。

過到澳門,一出左碼頭,四周都已經係格蘭披冶賽車既佈置,再加埋成個碼頭都人頭湧湧,真係熱鬧。

去到舖都已經一點半有多,為左想六點可以放工走人返香港,一到舖就馬上開工。由於今次維修師父有高空維修工作,所以先同佢去買番把高梯,要買把有十級高,我諗應該有成三米高既梯,結果去到老遠既地方先搵到間有得賣把咁野既舖頭,之後兩個人就浩浩蕩蕩咁打橫抬住趟高梯行到身水身汗咁先返到舖。

之後各有各做今日要做好既工作,去到六點幾時維修師父已經搞掂佢既工作,但我仲為緊點樣拉條寬頻線而煩惱,所以就放左呀師父走先。然後自己一條友慢慢搞條寬頻線,最後都要成七幾先走得。唉....又要十點幾先返到香港喇。

臨回港時,又係例行工作去買野食做手信,途中經過大三巴,就順便同佢影番張相,因為工作關係黎大三巴多次(而且舖頭都係响大三巴之內),但都未影過佢。
Picture

澳門而家真係好旺,回程想截架的士都好難,經過幾個字既努力後,終於找到架的士去碼頭。不過最好彩既係去到碼頭時係七點九,趕到買最後一班開八點返尖沙咀既船飛,否則要買返中環既船,到時返到去就仲夜。結果最後今晚都要十點九先返到屋企。

今日喺搵地方買高梯既時候,進入左大三巴附近一個比較舊式既地區,四周都係一 d 地舖上居既小屋,好有懷舊色彩,比起碼頭附近或圍繞大三巴既較新式既建築,又係另一種感覺。而且這個舊區又有好多專賣懷舊物品既店舖,更顯示出這個舊區的特色。
Picture

Picture

Picture

P.S. 諗諗下,今次買船飛去澳門呢一步做得蠢左,我應該八點五十分到尖沙咀碼頭時照買一點鐘船飛,之後照入閘,去排隊等後補飛位,我計過就算要等三班船,我都可以十點半上到船。不過,我在尖沙咀當時亦無可能知道中環碼頭那邊既船飛原來都係咁緊張。


[1]

我比較鐘意~ 梳打埠呢個名...

好似講緊以前一個地方名...不過唔係好知係講緊邊度...

你地有無人知道?

gOLdfiSh
[引用] | 作者 gOLdfiSh | 15-11-07 01:40 AM | [舉報垃圾留言]

[2]

聽講今年格蘭披冶賽車,酒店全full....

Carson
[引用] | 作者 Carson | 15-11-07 17:07 PM | [舉報垃圾留言]

[3] Re: gOLdfiSh
gOLdfiSh :
我比較鐘意~ 梳打埠呢個名...
好似講緊以前一個地方名...不過唔係好知係講緊邊度...
你地有無人知道?

因為以前洗潔精不流行,多用小梳打來作清潔之用;澳門叫梳打埠即謔稱人們到澳門大都到賭場觀光,輸錢的佔絕大多數,給賭場清洗得好乾淨之意。

http://hk.knowledge.yahoo.com/question/?qid=7007071601563


[引用] | 作者 Eric Yim | 17-11-07 09:18 AM | [舉報垃圾留言]