香港新浪網 MySinaBlog
« 上一篇 | 下一篇 »
Eric Yim | 29-12-05, 23:51 PM | 生活點滴 | (148 Reads)
我呢個好朋友前晚返左黎香港,佢雖然已經過左美國住,但都差吾多每一、兩年返黎一次,今日同佢同埋呀神三個一齊出來,如果吾係有幾個情況咁0岩一齊今日發生,呢種情況真係幾難發生,都有成 6 年我地 3 個未試過一齊出黎。講起呢個美國朋友,真係幾搞野......。

我同佢响中一識,都可以話係相識於微時,直至到左中五,我地都俾學校踢左出黎,各自去第二度讀,但都經常保持聯絡,直到我讀中七時(佢去左讀會計),大約係年頭佢突然話佢要去移民美國(吓 ! 老細你同我一樣大而家先去移民),我仲記得佢響我聯招放榜前一日撘飛機走(最後我聯招一役全軍盡墨),當日我都好記得天未光 4、5 點同呀神一齊去機場送佢。

去到美國,佢竟然讀讀下書走左去做marine,佢經常同我講佢係做marine吾係army,因為marine係海軍陸戰隊,army係陸軍(我都係佢講我先道原來marine同army係有分既,以前讀西史因為army易記,所以經我手寫既戰爭永遠只得army一種士兵),據佢講兩邊係吾0岩既。佢當兵原因吾知係咪好似周星馳套"鹿鼎記"咁想搵份工做,見呢條隊少人排所以走左去排結果當左兵。自從佢當左兵後,每次佢返黎我都問佢好多軍事上既野,d 武點用,當兵趣事。佢而家已經退左役,去讀返書,而家我响屋企有一本marine既手册、一盒用黎塗面既迷彩膏、一包美軍隨身帶備既乾糧(內邊居然有糖、有茶包、調味醬,我都吾明打仗時點解要食呢 d 野,好似適合野餐多 d)、今年佢就俾左頂army既布帽(佢係做marine,不過army寄左封信同頂帽俾佢叫佢去做army喎)。

我以前真係諗都未諗過我居然會有個朋友去當兵,仲要去到美國喎,不過都好,起碼我可以問下佢美國既武器係咪真係咁堅。有樣野我冇提,佢响軍隊內邊係做推土機維修,即係未去過前線打仗,未殺過人。Smiley


[1]

"佢經常同我講佢係做marine吾係army",因為他說army cheap 好多,所以唔可以相提並論.


[引用] | 作者 Carson | 01-01-06 14:42 PM | [舉報垃圾留言]

[2]

我只係知道以前讀書都有講,依兩個字,但係依家先知道,原來級數都有分別..

 不過,佢都好好笑,點解會做marine,又有人會發信叫佢做amry...??


[引用] | 作者 goldfish | 06-01-06 01:27 AM | [舉報垃圾留言]

[3]

因為army想叫佢去佢邊做(army),所以咪俾少少甜頭佢


[引用] | 作者 Eric | 13-01-06 00:36 AM | [舉報垃圾留言]