香港新浪網 MySinaBlog
« 上一篇 | 下一篇 »
Eric Yim | 22-10-07, 17:39 PM | 生活點滴 | (251 Reads)

今日下午,我特登請左半日假,目的係去郵局攞份禮物....一份預備送俾我呀哥下個月既結婚物。

Picture
我响郵局收左之後,都要慢慢拉盒野去的士站,平時行 5 分鐘既路程,如果要帶埋佢行,我諗要半個鐘先返到屋企。

咁大份禮究竟係咩野黎架呢 ?

Picture
就係佢喇,星球大戰 (Star War)內邊一隻經典既 "千年歲戰艦"。呢隻野其實同佢結婚真係無咩直接既關係,但一般對結婚有用而又買到既野,我信相佢自己都買到,咁倒不如買一 d 佢鍾意既野而又吾係咁易買既野喇。我呀哥絕對係一個星戰迷 ; 再加上呢隻野暫時都未知會吾會响香港正式咁公開發售,要買呢隻野既途徑係上 Lego 網買,但個網只向歐洲同美洲發售,香港無直接途徑 ; 呢隻野剛剛先响 2007 年 10 月 1 日先正式面世,係一件好新既產品 ; 而家香港只有好少數目既貨源,响香港網上既拍賣價都要去到 $6000。所以我諗呢份禮物佢絕對鍾意。

Picture
Lego 10179 係佢既編號,第一批生產既,仲會有個獨一無二既編號,但因為想佢自己拆盒野,所以仲未知個編號係幾多。大家可以從上面睇到佢砌出黎個體型都幾大,不過到時佢點樣搵地方放呢隻野,呢點我係吾包既。

今次我買到呢隻野,都要多謝一個遠方既朋友,住响美國既小余先生,多得佢既幫手,我先可以咁順利買到呢盒野。佢為左幫我寄呢盒野,淨係包呢盒野都已經好麻煩咁搞左幾次,仲有呢盒野有成 26 lbs咁重,要佢幫手車去都咪話簡單。

大家可以睇睇以上呢位仁兄,佢盒野砌極都好似吾會完咁,衫都換左幾件,可想而知要砌呢隻野係以日、甚至係星期計,我睇見佢咁整幾驚。


[1]

這個可以比你阿哥利用哂個蜜月假期去砌.

Carson
[引用] | 作者 Carson | 23-10-07 00:54 AM | [舉報垃圾留言]