香港新浪網 MySinaBlog
« 上一篇 | 下一篇 »
Eric Yim | 26-12-05, 01:45 AM | 籃球 | (180 Reads)
今次既事我係吾會原諒自己。

今朝一早同大舊、文文 3 個人去左打波,以為因為長假期而會有好多人打,點知反而吾係咁多人。佔左大部份時間都係射下波就算,到左最後先搵人鬥番場波先走。人地那邊3 個人個年紀都吾係好大,技術仲係好平庸下,不過佢地組織得真係幾好下,下下單擋晒,而且肯走肯拼,相反我地平日都係打開夜晚,所以今朝早打變得吾係好上力,體力仲好快用完。一開始我地攞左 4 分以 4 0 領先後就好似已經走得好辛苦咁,之後我地一路帶住佢地黎打,分數係咁上,大舊雖然因為早起身既關係而變得冇咩狀態同體力,但都入左 34 球,文文都入左 34 球,我反而都打吾起自己,所以唯有傳下波,駁下腳。去到尾段時間,我地都已經去到 18 12 諗住完得場,就响此時,我地發動一個攻勢,文文比 2 個人夾擊,馬上傳波俾大舊,而負責睇住我那個人馬上衝去大舊度補位,咁我即刻變成無人看管,我見機不可失就馬上衝入籃底,大舊亦好識做咁一球直線放個波俾我單刀上籃,我亦都吾敢玩高將波,以上手輕力放波上籃,點知我放得吾夠力,個波撞前柜出番黎。咁都未算,呢球波失左之後,我地馬上俾人打返上黎,最後仲以 18 22 輸埋場波。
呢次真係輸我一個,連大舊同文文都話如果我入左那球波,就變左 20 12 ,想輸都難。而家擺到明係我既問題,點解單刀都入吾到,連我都吾原諒自SmileySmileySmiley


[1]

下次努力!! 8)


[引用] | 作者 Carson | 26-12-05 16:46 PM | [舉報垃圾留言]

[2]

比賽一定有贏輸,不用特別介意,而且有心相約朋友仔去做運動,已經值得讚揚啦...

加油


[引用] | 作者 goldfish | 28-12-05 01:36 AM | [舉報垃圾留言]

[3]

有時輸都係一件好事.


[引用] | 作者 易生 | 13-01-06 00:16 AM | [舉報垃圾留言]