香港新浪網 MySinaBlog
« 上一篇 | 下一篇 »
Eric Yim | 19-10-07, 23:23 PM | 籃球 | (170 Reads)

香港既非正式比賽 3 對 3 街頭籃球對於勝負的規例好簡單,不成文既規例,打 21 分或打 10 分,即係邊一隊先取得 21 分或 10 分為勝利。咁點解會分為 21 分同 10 分呢 ? 分別係黎自比賽當中有冇 3 分球既分別,21 分例既,响 3 分線外射入既會計 3 分,而 3 分線以內既所有入球皆當做 2 分,所以打 21 分既比賽,到左場波完結既時候,有機會係 21 分或者 22 分甚至係 23 分作結尾,呢 d 係因為場比賽射入既 3 分波同 2 分波既數目而做成。

相對 10 分既比賽,就無計 3 分同 2 分波既分別,無論响任何位置射入,都一律計做 1 分,亦即係場波係要的的確確咁射入 10 球先叫做贏。

仲有一種係非常少既 7 分波比賽,個例同 10 分一樣,所有入球當 1 分黎計,但因為打 7 分真係太少,所以打呢類例既真係好少。

一向在馬鞍山打開既例絕大部份都係打 21 分例。

今日因為假期既關係,可以約到文文同大舊一齊打波,由於係假期加上星期五, 8 點半左右黎到籃球場時已經幾多人下,4 個籃球場都有人鬥緊波。

到我地 3 個人人齊之後先開始跟隊,都跟左成 20 到 30 分鐘。第一隊既對手,3 個人平均有 5 呎 7 至 5 呎 8 左右,對比大舊既 6 呎同埋文文既 5 呎 10 黎講,就算吾計最矮我,响高度上、籃板上我地都會佔優勢。一開波後,可能因為我地係第一場打,熱身吾夠,我地打開既傳波組織戰術吾係好暢順,雖然波係傳到俾隊友手,但係始終交吾到一 d 俾隊友第一時間上籃既傳送。不過我地既射波手風卻出奇咁好,射波次數吾多,但命中率卻高,所以我地一直領先對手到左 20 比 12,由於係打 21 分例,所以場波去到左關鍵既最後一球。就响呢個時候,對手既防守戰術用上左全場緊迫,即係緊貼追住我地每一個人,令我地迎接自己隊友既傳球亦有困難,而且對手响呢個時候,開始發揮佢地既射術,尤其是一些中距離射波更加係好準,令比分漸漸追到 20 比 18。因為我地 3 個人既個人突破能力吾高,所以始終未能破到對手既全場緊迫防守,令到我地難以射入決勝既 1 球,而且局勢更因對手係從後追上,使我地士氣上被對手蓋過。因為被對手緊迫再加上最關鍵既一球,令我自己心理上吾敢射球,有 1、2 次有空位我自己都吾敢射,使到射波既重任交晒俾大舊同文文。最後更加被對手射入一個 3 分波了結左我地,比數係 20 比 21,輸波係大家既事,但我自己吾敢射卻係一個事實。總結呢場波,我入左 2 球共 4 分,文文入左 3 球共 6 分,大舊入左 5 球共 10 分。

相隔大約 20 分鐘左右,又輸到我地上場,令次既對手比上一隊黎講平均高度係高左,最高 2 個都有 5 呎 10,最矮個都有 5 呎 7,佢地個人技術同射術比上一隊黎講係差左少少,但佢地卻擅長打籃底強行爆籃同埋一對一個人突破。一開波時,我同大舊都吾係好集中,有少少亂傳波同亂射,但過左無幾耐,我地完全入局,開始同對手見真章。由於已經有上場既足夠熱身,我同大舊可以做到一 d 平時常做既快傳同撞牆,而文文亦可以去到我同佢平時同佢夾慣既地方接我既傳送然後快射。但對手既一對一打法同籃底進攻亦取分吾少,令我地分數一直落後,之後我地慢慢將分數追到 12 比 12 平手,局勢亦可始傾向我方,分數一路拉開,去到由我地領先 20 比 14,形勢同上一仗完全相同,但最不利既事情亦同樣發生,對手防守變陣,再次係全場緊迫防守,技術上我地吾足夠做到一對一擺脫對手,而我地最熟練既走位傳球打法亦因為對手既緊迫防法而完全發揮吾到。情況再一次出現,我地被對手追到 20 比 18,又去到關鍵一分既時候,今次我方進攻時,我再次因為心理影响之下,吾敢起手。

以往既我每次去到關鍵一球總係吾敢起手射波,怕射失,波到我手,總係要搵隊友交波。上一場波之所以輸,我吾敢射絕對係一個原因,因為被對手睇穿我吾敢射,所以大舊同文文一接波時一定被對手 2 人夾擊。

令次可以點做 ? 又將責任交晒俾隊友,等隊友射,入,馬上贏波 ; 吾入,再做防守,將自己承受既壓力減到最低。吾可以永遠做人都係咁架,點解平時比賽當中敢射波,一去到關鍵時就吾敢射 ! 當大舊响籃底接波後,再次被對手 2 人夾擊,我當時身處 3 分線對外對出 2 步既住置,由於對手洞悉我吾敢起手,故當時無對手緊迫,我馬上向前衝,大舊一見我起步,馬上將波回傳俾我,接波時我位置係 3 分線對入一步,一接波,馬上起手,對手見我起手亦馬上撲向我做封阻,不去想,要入波,籃球最後以弧形軌道射入。22 比 18 贏左,上場既歷史無再出現,我亦响關鍵時刻射入致勝一球,以後我有心理質素去支持自己去射關鍵球。呢場波我入左 3 球得 6 分 ; 文文入左 3 球得 6 分 ; 大舊入左 5 球得 10 分。

令日就係咁以 1 勝 1 負去完結。

只要比賽一開始,目標就是贏,輸贏也是 3 個人的事情,也是 3 個人的承擔。