香港新浪網 MySinaBlog
« 上一篇 | 下一篇 »
Eric Yim | 20-08-07, 01:25 AM | 生活點滴 | (120 Reads)

Picture

健康最重要 - 呢幅招牌有成 1.8 米到 2 米高。係响我公司今年擺 Food Expo 對面既一間賣麵既公司攤位一個口號。無錯,健康真係好緊,無左健康、無左條命,你就真係咩都吾使做喇,所以大家記,一定要保重身體,注意健康。

講左咁多廢話,係時候入正題。公司一向有參加 BB、Food、Product 展既習慣,咁今年亦無例外。月初既 BB 展一共有 3 天,而我就當值左 1 天。到左呢幾日既美食展,一共 5 日,而我就要去當值 4 日,崗位就係做收銀嗰 part。

經過上年 3 個展既經驗,但都未試過今日咁爆既場面。

今朝一早七點二起身,九點四去到會展,set 下機同埋處理番一 d 尋日未清既野。一到十點鐘正式開始,d 人係咁湧入黎,由於今年公司個攤位位置响個入門口位,所以差吾多係所有人入場既必經地,令到人流簡直係發瘋狂。响今日既高峰期係下午 2 點至 7 左呢段時間,d 單係多到打吾切,其實今日係有 6 個人負責收錢、打單入機呢 part 收銀既工作,原本呢個人手按排應該卓卓有餘,但到左今日既實際情況時,真係收錢都收吾切,d 錢由四方八面既 sales、 promoter 拎過黎,d 單多到找吾切錢,情況混亂非常,情況接近失控。去到 8 點過後,個情況先真係叫做平靜番。

9 點半正式執檔攤收工,去到 10 點 9 正式放工返屋企。就係咁,我職業生涯直至呢一刻黎講最接近失控既一天就完成。

Picture
  瘋狂既一刻,個攤位係被人群包圍。

Picture
 高潮過後,大家預備收工,開始執拾。

Picture
 香港人既本性,參觀者一窩峰過去,總會四處留下垃圾。