香港新浪網 MySinaBlog
« 上一篇 | 下一篇 »
Eric Yim | 14-08-07, 22:25 PM | 生活點滴 | (127 Reads)

尋晚十一點幾,接到大佬 order,廣州新 office 既電腦工程未能及時完成,今日我就要奉命上去廣州執埋呢少少手尾。

今年年初,第一次離開香港境外工作,目的地係澳門,自己一條友搭船過大海,再自已去搵個目的地。今次返大陸,又係自己一條友搭火車去廣州,好彩既係今次有個同事响廣州火車站等我。

今日朝早準時返到公司後,就打衝鋒咁搞埋一 d 一定要整好既野,之後趕去紅磡火車站搭直通車,搭到 11 點 4 架車,去到廣州 1 點 2 左右。同事一早已經到左等我,再搭廣州地鐵由廣州東站去公園前站(公司所在最近的地鐵站),廣州地鐵既車票好特別,係用一個類似港幣一元既膠幣作車票,入閘時用膠幣的其中一方放在入閘機面上,閘門就會自動打開 ; 出閘時則只要把膠幣拋入出閘機的一個洞口位便可。據同事所講,地鐵使用膠幣己有一段時間了,我還記得早 3 年前左右曾回廣州時,車票還是使用紙票的,如今已變成了膠幣了。由廣州東站去公園前站,每位人民幣 4 元。
Picture
  硬幣形車票

到了公園前站後,因為我真係太肚餓,所以响未上寫字樓開工前,先搵過地方去濟下個肚先。由於公司附近有間肯德基,便馬上去食一頓肯德基。我叫了一個餐,有一杯汽水(橙汁)、一杯沙津、一個鷄扒包,一共人民幣 22 元,因為吾係太熟悉人仔既分類,我仲誤將人民幣既 5 毫當左 5 元去用,人地梗係當我傻喇,最後籌黎籌去都搵吾到剛好的 22 元,唯有用張人民幣 100 元大紙。至於味道方面,汽水甜左少少、個鷄扒包幾好味,我覺得好食過香港口味、個沙津都幾好味,不過份量就細左少少。因為太趕時間,如果吾係一定要叫番幾件炸鷄比較下。
Picture
  22 元的肯德基餐

Picture
  一個好味既鷄扒包

食飽之後,即刻急急腳上寫字樓做野,由 2 點零一直趕到 6 點半,一路係咁搞 remote desk top software installation, office installation, printer setup, outlook setting。加上中途一間 vendor 殺上黎做到 ip phone 既 demo,搞到時間非常迫切。
Picture
  公司窗外的街景

Picture
  公司大廈的電梯大堂

放工時,又突然落起豪雨,馬路都有 d 水浸,不過對住趕收工返香港既我,一於無有怕,係咁趕路。不過公司所在的大廈電梯真古怪,因為太多人放工關係,搞到成日爆電梯,足足等左 3 部電梯先上到,根據同事所講,朝早返工時,會有排隊排到出街外等電梯的奇景。到左 7 點鐘返到去廣州東站,人生路不熟,自己又吾係醒過人,諗住搭直通車一程過返香港算,點知最快一班直通車要 8 點 2 先開,無計,無理同佢顛,即刻買最快一班 7 點 4 開去深圳既火車,8 點半返到深圳,9 點 5 已經返到馬鞍山搵間餐廳坐低食番過晚飯。好彩無搭架直通車乍,如果吾係,响廣州返去香港用 2 個鐘,再由紅磡用一個鐘時間搭車返馬鞍山,返到屋企都要 11 點半。就係咁,趕頭趕命既一天工作就係咁完成左。


[1]

哇! 好驚訝亦恭喜你衝出港澳地區啦,哈哈

親戚說M記既炸雞比香港更好食 ~


[引用] | 作者 雪人 | 18-08-07 01:52 AM | [舉報垃圾留言]