香港新浪網 MySinaBlog
« 上一篇 | 下一篇 »
Eric Yim | 29-05-07, 00:30 AM | 生活點滴 | (246 Reads)
自出來工作以來,今日係第一次响自己住處附近返工,因為公司的一間新舖頭會於星期三在馬鞍山開張,所以今日我全日留在這間新舖中,一來等各樣己訂購的物品送來,二來是現場同裝修師父夾一夾一 d 裝修的執漏項目。

因為今日返工地點實在太近小弟屋企,所以今日真係起左身後乜野都慢慢黎,刷牙、洗頭、剃鬚,之後仲陸個杯麵慢慢食,兼埋睇左一節NBA東岸決賽既活塞對騎士。然後先至落樓返工,去到舖時同平時返到公司時間都差吾多,認真爽。

到舖之後開始 set 野,同埋各樣向供應商訂既物資陸續送到黎,電話佬、寬頻佬、防盜佬亦相繼到場做野。去到十一點幾,裝修老闆呀伍師父要搵一個玻璃門鎖,由於佢吾熟馬鞍山一帶,結果就等我盡一盡馬鞍山地主之宜同佢一齊去各間五金舖去搵鎖。點知把鎖都幾惡搵,一路一間一間咁搵,一條一條邨咁去,最後足足行左 3 條邨有多先搵到一個啱既鎖,成個馬鞍山都行左成 1/3。

返到舖後,再食埋個晏,下午一樣一批批野咁黎到。傍晚時份,老闆同 d 大哥級既人物亦相繼黎睇下,到左成九點,我大佬亦黎睇下個場,再搞下搞下十點半先走人,同埋裝修伍師父和大佬去一間酒樓食個晚飯,最後成十二點走人,行路返屋企。

今日响屋企附近返工感覺真係吾錯,返工時吾駛搭車 ; 四周圍也熟路,要搵野話咁易 ; 放工食埋飯先走都近屋企。完完全全好似以前讀書時代個種 feel。


[1]

以前返工要去香港區...坐車既時間令人真係勁累呀..

而家轉左工..工作轉變左之外,時間真係多左好多...就算放工返到屋企都只係六點幾...勁開心呀~


[引用] | 作者 goldfish | 02-06-07 00:33 AM | [舉報垃圾留言]

[2]

所以我做美聯的時候都好喜歡做馬鞍山區的店舖..


[引用] | 作者 Carson | 05-06-07 21:20 PM | [舉報垃圾留言]