香港新浪網 MySinaBlog
« 上一篇 | 下一篇 »
Eric Yim | 08-04-07, 17:40 PM | 籃球 | (187 Reads)
何必偏偏又是我......,同樣是星期日、同樣是早上、同樣是在恆安邨籃球場、同樣是打埋嗰場就返屋企。相隔 6 個月後,我再次在籃球場上甩臼,今次同樣要馬上去仁安醫院。

今朝早同文文 2 個人去打波,十點半開始打,打左十二點,諗住打埋嗰場就走人,比數去到 20 : 18 落後 2 分 (以 21 為限既規例),大家都係差一、兩波就完場,就响呢個時候,我既惡夢又再一次出現。

已經記吾起係對方定還是己方將個波射上去個籃框度,總之自己係全力追上去搶籃板,當時我身後壓住一個對手,自己雙腳一跳,雙手伸前去攞波時,個波就垂直打中我右手尾指既指尖,我即時感到 D 骨既位置有痛既感覺。落地後我馬上睇睇隻手指,天......尾指由上向下數第 3 節向右方頂左出黎,好明顯,憑我上次甩臼既經驗,呢次肯定又係甩臼。只好馬上由文文陪同去去仁安醫院。

去到醫院都係好似上次咁先登記,之後等左一個鐘左右去見醫生。今次個醫生問左少少問題,就馬上叫我俾隻手佢,跟住拉下拉下,少少痛,就將隻手拉直。對比上次個醫生要由幾個護士壓住我隻手,之後又拉得吾好。今次既情況好得多,之後再照 x 光,亦發現無斷骨。最後攞藥,約時間覆診。整個行程大約兩個半鐘左右,同上次差吾多。

呢次既受傷真係好吾開心,上次仲响醫院都識得講下先,心情都好正面。但今次真係咩笑都講吾出,真係好失望,而且未見醫生時,對住自己隻手指好擔心,只相隔半年,又再次發生响我身上,......何必偏偏又是我


[1]

真是唔小心啦,遲o的要不要安個膠架先去打波?


[引用] | 作者 carson | 11-04-07 23:51 PM | [舉報垃圾留言]

[2]

會帶隻海綿狀既指套


[引用] | 作者 Eric Yim | 13-04-07 07:38 AM | [舉報垃圾留言]