香港新浪網 MySinaBlog
« 上一篇 | 下一篇 »
Eric Yim | 26-03-07, 22:22 PM | 我的各樣介紹 | (172 Reads)

今日剛睇完 "戰狼 300",吾睇故事性,以戰爭片而言,的確拍得不錯,雖然電影以廠景拍攝,再加上大量電腦加工,但仍拍得相當有吸引力。

一班演員經歷 4 個月的特訓,飾演戲中的主角 - 300 名斯巴達人戰士,個個都操到 8 舊腹肌、綿被咁厚既心口、樹幹咁粗既手臂、足夠去英超踢波既大脾,個個去戰場都只係著條三角褲,右手執長茅,左手拎住一個 36 寸鈔餸用既大鑊。當觀眾們睇到班大隻佬個個都咁大隻、咁 fit 既時候 ; 可憐既歹角們 - 波斯士兵 (不計波斯的大王,因為佢都操到 6 舊腹肌),個個都要著住衫打仗,證明佢地無咩點操,吾敢 show 個大肚腩俾人睇,有 d 仲可憐到要帶埋個臉具,可想而知呢個歹角除左吾夠 fit 之外,仲係非常樣衰,因為個外表吾掂,所以波斯人用最簡單既人海戰術去對付斯巴達人。

故事講斯巴達國王為了國家和人民的自由,拒絕左波斯國提出的吞併要求,在得不到議會答應採取主攻的情況下,自行帶領 300 名士兵去溫泉關迎戰數以十萬計的士兵,將敵軍迫得不能前進,最後因被敵軍包圍,300 人壯烈犧牲。

電影中的戰爭場面拍得非常緊湊,經常血肉橫飛,手、腳、頭會在螢光幕左飛又閃,300 名斯巴達戰士完全表現了力的表演,一個對 3、4 個波斯人視作等閒。純觀感上看,無甚冷場。

接近結尾時,當戲中主角 - 斯巴達國王,面對波斯國的萬箭穿心時,情景似曾相識。無論角度、演員的姿勢、箭的形態、箭的來勢,都同幾年前我國電影 "英雄" 中尾段李連杰面對萬箭穿心時場面非常接近。吾道戲有相似 ?


[1]

對犀牛,對大象(大象跣腳都得!?),都只是這樣輕輕帶過......有點失望啊!


[引用] | 作者 HW | 26-03-07 23:23 PM | [舉報垃圾留言]

[2]

個o的戰陣,其實好似當年的"帝國驕雄"


[引用] | 作者 Carson | 27-03-07 14:00 PM | [舉報垃圾留言]

[3]

雖則有誇大既成份, 但係呢三百人都算係真人真事. 我覺得好睇過英雄~!


[引用] | 作者 小余 | 03-04-07 11:06 AM | [舉報垃圾留言]

[4]

"英雄"比較誇張,無真實感。"戰狼"對比起來會刺激得多


[引用] | 作者 Eric Yim | 06-04-07 15:26 PM | [舉報垃圾留言]