香港新浪網 MySinaBlog
« 上一篇 | 下一篇 »
Eric Yim | 27-12-06, 00:19 AM | 籃球 | (227 Reads)
今朝都係一早就起左身,約左大舊同文文去打波

今朝响球場上,俾我遇到早 3 個月前鬥波時令我手指甩臼的一班呀叔,當日嗰 3 個人中有 2 個我仲記得個樣,但呢 2 個人今日都吾响度,不過今日仍然同呢班人打。

第一場波,我地輸左 22 : 12,有個好好波既人但吾係同呢班一顆既青年人,著住件小牛既魯域斯基波衫,一個人跟隊,拉住 2 個呀叔一隊同我地 3 個打第 1 場。呢個魯域斯基真係幾好波,身形已經吾錯,有 6 呢高,射、傳、控都好好技術,最難得係好好品,吾會串串咁,又吾會打茅波,不過以佢呢身技術又真係吾需要打茅波。成場波就係俾佢一個牽制住,我地任何一個人守佢,好多時另外一個或兩個都要埋黎補位,俾另外 2 個呀叔空晒咁射,真係無計,最後只係咁輸左 10 俾佢地。

之後另一場波,文文吾打,我地就拉左呢個魯域斯基一隊,再同呢班呀叔打多一場,响呢場波之中,個魯域斯基改變左打法,用走位傳波黎打,少左自己強行突破,我同大舊就响佢 key 波既情況下不斷走位、傳波,成場波我地打得非常暢順,大家都無咩 TURNOVER,仲有吾少係走到空晒起手,班呀叔完全跟吾上我地既速度,俾我地 22 : 9 擊敗。

今日就响吾係太多人既情況下只係打左 2 場就走左,但係就俾我睇到呢班呀叔真係好茅,其中有場波佢地同魯域斯基打,論技術、速度、體能,班呀叔根本係無得鬥,但佢地就使橫手,當魯域斯基一响籃底接波,佢地就推人、攬人,吾俾佢做任何野。如果俾吾好老脾既人,連續幾次咁茅法,輕則嘈交,重則打交喇,都算個魯域斯基好品,俾人經常係咁茅法都只係叫 foul 就算,無咩起火。另外一場當我同大舊拍個魯域斯基時,開局頭 3 球我都射得準,3 球全中,以 6 比零領先,之後有個呀叔同 mark 我嗰人大大聲聲咁講 :「 你推佢嘛 !! 」我即刻望住佢地,吾使嘛,一射得到既時候就要用茅招,你地都真係好無品吖,不過 mark 我個人都無推過我或拉我。打完晒後大舊都話呢班友打波茅茅地,好多毛手毛腳,個球品吾係咁好。唉 ! 我隻手指既傷害就係黎自呢班茅人呀叔身上。emoticon


[1]

老馬有火.


[引用] | 作者 Carson | 28-12-06 00:45 AM | [舉報垃圾留言]