香港新浪網 MySinaBlog
« 上一篇 | 下一篇 »
Eric Yim | 27-09-06, 22:51 PM | 我的各樣介紹 | (179 Reads)
今日放工,屋企無煮飯,所以行陣先返屋企,忽然哥斯拉打黎話出黎食飯,仲話去旺角食,既然我都响旺角,咁就去食喇,哥斯拉、康、劉野、我 4 個就去左旺角間潮樓度食。

4 個人,一共叫左 4 個餸,再加埋甜品 :

卥水拼盤 - 一般潮洲拼盤應該有既野佢大部份都有,花生、豬耳、墨魚、燒鵝,唯獨是無左豆腐,味道 ok 喇,$70(九點入席既話呢味餸半價,即係 $35)

花膠什菜煲 - 好多蝦米,好啱我食,因為我鍾意食蝦米同蝦乾,可惜蔬菜比較少款式,得白菜同小唐菜,至於花膠方面都煮得好淋,如果呢個餸入面可以加少少粉絲就好。 $70

蠔仔肉碎粥 - 好味,夠晒多蠔仔,而且成煲都好大下,每人都有成 2 碗有多,唯一不足之處係我落單時講左走筦西,但上菜時落左筦西,之後佢只係入番廚房整走 d 筦西又再上,搞到始終都係有少少筦西味。 $60

炒麵(吾記得個全名) - 幾好味,又係幾大碟,加左好多肉絲、叉燒絲去一齊炒、$60

甜品叫左 3 個 - 我要左個玫瑰花枝涷,劉野要左個綠豆,哥斯拉就叫左個檑沙湯圓一齊食。我個玫瑰花枝涷好似啫喱咁,內邊加左荔枝肉落去,好香甜。劉野那個綠豆就無問到佢,吾知好吾好食。個檑沙湯圓就一般喇,同好多街外食既味道差吾多。每個係 $15

埋單找數 $305(無加一喎)

其實仲有好多潮式野可以一試,涷蟹、蠔餅......而且價錢吾算貴。


[1]

ok 喎...仲幾吸引tim>>

係MK 邊度架.我都想試下..


[引用] | 作者 gOLdfiSh | 07-10-06 17:26 PM | [舉報垃圾留言]