香港新浪網 MySinaBlog
« 上一篇 | 下一篇 »
Eric Yim | 25-09-06, 21:02 PM | 籃球 | (231 Reads)
打籃波都有成 12 年既波齡,但我都重未試過好似尋日咁傷得咁激。

尋日(星期日)早上同大舊、文文去打波,受傷情況係咁既:

當時我同人爭緊籃板,好集中咁同人搶緊位,吾太留意到個波既來勢,當個波就黎到時,我就伸手去搶,但個波黎得好急、好勁,又咁啱個波打落我隻左手手指尾度,我接吾實個波,被人搶到,咁我就回防。

走左幾步之後,隻眼望到左手手指尾怪怪地咁,再望一望,嘩 ! 隻手指尾最底嗰節成技骨飛左出黎emoticon,手指篤到下就成日都見,但咁大鑊就真係第一次。
Picture
Picture
大家可以見到係最底枝骨叉左出黎,响相度睇得都吾係太清潔,實際當時個情況比睇相更加嚴重,我吾敢屈隻手指,更怕既係手指骨折就大件事(當時我隻手指既外型其實係好似一個閃電符號咁)。

咁既情況下,第一時間去醫院,去邊間 ? 威記吾好喇,我怕要等到夜晚,去私家喇,咁就去左仁安醫院。打波咁耐一向都咩都吾帶,身份證、錢、咭乜都無,就係咁 3 條友响無錢既情況下搭的士去左仁安。我無身份證個護士都肯同我登記,而且仲好好態度,問我既個人資材,佢一一打晒入電腦度,仲吾駛我要後補任何資料,之後就俾左張飛仔我,開始等睇急證,當時係 11:43a.m.,大約有十多人排响我前面。

十二點半左右,到我見醫生,個醫睇左我隻手一陣,叫我去照 x 光先,睇下有冇斷骨。個醫生好有禮貌,好好人,又吾會好急咁,慢慢同我傾,雖然我未去過公立醫院,但相信點都吾會好似私家咁好。去照完 x 光,再返去等睇醫生報告,坐左一陣,負責跟呢個醫生既護士同我講,醫生去左巡房,好禮貌咁叫我等一陣,咁之後都吾駛 5 分鐘,醫生返黎,叫我去左一個診療室,俾我睇張 x 光,再解釋俾我聽我好彩無斷骨,係隻手指尾脫了較,話同我拉番好佢,呢個手術費係 $500,咁我梗係做喇。之後 3 個護士,加埋個醫生 4 個人一齊黎,2 個護士負責攞所需既物品,有 3 角巾,紗布等,一個護士就襟住我隻左手,我諗佢係怕我隨時因為痛而拉開隻手。

手術開始,醫生叫我放鬆,佢會慢慢加力拉番好節骨,咁我見佢真係慢慢拉,,有少少痛,之後佢就話得喇,都吾係好痛,然後佢再用紗布幫我包住隻手指。

乜都搞掂,到左最現實既問題 - $。我地 3 個人無帶錢黎喎,點算好 ? 咁呢個世界上有一樣野叫朋友,係時候搵黎幫幫手emoticon。Jovi - 佢係住得最近仁安既一個朋友,就係咁,佢同呀康就黎左仁安醫院幫我找左條數先,盛惠 $1236.5。都真係好貴下,好彩我有買保險,應該可以 claim 得晒。離開醫院時間係 1:32p.m.,都吾駛 2 個鐘,如果係公立就大鑊喇。

响度要先多謝大舊同文文陪我去醫院。emoticon
再要多謝Jovi同呀康响呢個時候帶錢黎贖我走。emoticon
希望日後打波我地吾好再發生呢 d 咁吾好彩既受傷。emoticon

P.S. 因為隻手指未好番仲係痛,吾方便打 keyboard,所以今次要用番多年未用過既手寫板黎寫呢篇野,寫得好辛苦呀~~~~~~~~~emoticon


[1]

老細,好好休息一下呀,你仲要有好重要的事要做的~~


[引用] | 作者 Carson | 27-09-06 01:09 AM | [舉報垃圾留言]

[2]

我都是護士, 打算出年轉去仁安做。千幾蚊又唔算貴喎, 有好的服務及快, 咩都底番啦!!

朱古力
[引用] | 作者 朱古力 | 24-03-08 10:58 AM | [舉報垃圾留言]