香港新浪網 MySinaBlog
« 上一篇 | 下一篇 »
Eric Yim | 13-09-06, 22:57 PM | 我的各樣介紹 | (462 Reads)
今日去沙田做野,要為聽日開既新舖做 setting,期間遇到呀君,之後呀君又遇到哥斯拉同劉野,就係咁哥斯拉就約埋我去食飯,劉野、哥斯拉、康、我一行 4 人去左大圍既萃華酒家度食。

一個冷盤當熱身,就係涼伴海蜇,海蜇幾彈牙,幾好食。

一個例湯,係一個粉葛湯,都幾正,加左 d 肉,但都吾會太肥。

一個荷葉飯,用荷葉包裹著上碟,叉燒粒幾大吓,再加上好多有一節手指咁大既蝦,好好味。

一隻炸乳鴨,呢樣係哥斯拉推介,炸得都幾香,而且以乳鴨黎講都算大隻。

一款瑤柱節瓜圃,呢樣菜個賣相就真係麻麻,但都算ok,因為有好多大大隻既蝦米,而且 d 節瓜係切到長條形而吾係圓柱形既瓜圃形,味道都吾錯。

一款京烤骨,呢樣就真係吾係咁好,係一 d 肉排加上一 d 酸酸地既汁,但有一樣特別既野就係呢款餸送一碟曼頭,個曼頭就真係幾好食,好軟熟,再加上錬奶,真係 very good。

一款焦鹽鮮魷配炸牛奶,個焦鹽鮮魷就無咩特別,只係鮮魷點一些焦鹽,而家炸牛奶就係將牛奶炸到一個金黃色既波,賣相就 ok ,不過我嫌 d 味道淡左少少。

當所有餸上齊之後,原本哥斯拉強力推介既豆腐花竟然吾使我們自己叫,個侍應自己送左每人一碗俾我地,真係好滑,唯一不足之處係吾夠熱,只係暖暖地,但都覺好好食。

埋單 $550 左右,多謝晒呀康哥emoticon


[1]

有餐食,好野!!


[引用] | 作者 Carson | 14-09-06 23:39 PM | [舉報垃圾留言]

[2]

你地幾個人..食到咁多野既..


[引用] | 作者 gOLdfiSh | 21-09-06 00:35 AM | [舉報垃圾留言]