香港新浪網 MySinaBlog
« 上一篇 | 下一篇 »
Eric Yim | 20-08-06, 21:17 PM | 生活點滴 | (154 Reads)
今晚有場世界籃球錦標賽(籃球賽)由中國對美國,最後中國輸大敗 121 比 90,中國隊波真係吾多掂,好多地方要執下先見得人。

呢場係分組賽,一組有 6 隊波,打單循環,成績最好 4 隊可以出線 16 強。呢場波輸係預料之內,但中國呢隊波真係吾多掂。

個人技術不濟 - 當美國隊未拉開比數而放鬆防守之前,完全無 1 on 1 去進攻,一上到前場只係識得做好簡單既 pass,交多幾下就將個波擠入去俾姚明或者易建聯,佢 2 個就硬爆入去,咁其實佢 2 個真係幾爆得,但佢地既籃底根本吾係打技術,只係打體力,所以姚明下半場都無乜體力去爆,加上成場波都係用姚明去做重心,根本無得休息,一埋位坐一陣,都吾夠 3 分鐘,吾夠打,又入返場。易建聯其實打得幾好,有爆籃,又有 17、18 呎既遠投,但中國隊太依賴姚明一個,一無左佢,好似吾識打咁。

無速度、吾夠快、跑得慢 - 成隊中國隊好似吾識跑咁,有 2 次好明顯當中國隊入左一球波之後,美國隊個韋迪 Wade 响後場一接波即刻馬上攻上前場,但中國隊成班人好似未瞓醒咁,仲慢慢行去回防,結果 2 次都俾 韋迪好輕鬆咁上籃得分,令中國隊得來不易既分數即刻 level 番。

戰術意識薄弱 - 美國隊成場波都係打佢地 NBA 常用既全場緊迫,即係中國隊每次開波都焗,但中國隊 d 人好似未見過全場緊迫咁,成日都開波慌失失,中國隊開波時除左開波有一個球員之外,仲會有多 2 個球員响度幫手接應(同樣美國隊都會有 3 個球員响後場緊迫),但佢都好似無默契同吾識戰術咁,只係無意識咁走黎走去,好心就用下單擋去破人地既緊迫,令到中國隊成場開波由後場帶去前場都好吃力,亦做成好多失錯。去到前場進攻,同樣吾識用單擋,只係得姚明一個人識用單擋一招,其他人只係走黎走去,又係浪漫氣力。

心理質素差 - 中國隊其實除左姚明同易建聯打外線之外,係有外圍投射既能力,但呢個能力只限當對手拉開比數而放鬆防守時才展現出黎。開波初時,美國未拉開比數,中國只識打姚明同易建聯既內線,但比數有成 15 分差距左右,中國隊既人先會放胆去射外圍,但係其實中國隊係射到外圍,而且射得吾係差,但佢地緊張時就死晒火,一來吾敢射,二來射吾入。呢一個弱點其實係對第一場對手意大利時已經出現,計實力意大利當然响中國之上,不過中國都有能力去打敗意大利,當然機會吾大,就係因為有機先死,令中國對意大利時吾敢起手射外圍,又係心理質素問題。

吾識運用球例 - 美國隊知道中國只係打姚明一個人,所以好識用方法應付佢,就係犯規戰術,每次姚明籃底起時即 foul,而且 foul 時係吾會俾姚明起到手,吾俾佢有 foul in 既機會,最多俾姚明射 2 球罰球,咁先係高明。但中國隊每次 foul 人時都好猶豫,吾敢用力打落去吾俾人起手,令美國隊成日 foul in,吾輸死就奇。

中國隊波實力吾係太差,但好多方面真係要執一執,由其是佢地既戰術運用,真係無乜料到。响亞洲就到係威係勢,一出亞洲就變左賠跑。


[1]

我尋日都有睇呀...


[引用] | 作者 | 21-08-06 20:37 PM | [舉報垃圾留言]

[2]

咁你話中國隊隊波係咪好吾掂


[引用] | 作者 Eric Yim | 21-08-06 23:58 PM | [舉報垃圾留言]

[3]

係啦...我今日食LUNCH O個時睇LIVE SCOREBOARD中國重贏緊十分.點知最後都可以輸...唯有明年會更好


[引用] | 作者 | 22-08-06 23:30 PM | [舉報垃圾留言]