香港新浪網 MySinaBlog
« 上一篇 | 下一篇 »
Eric Yim | 23-06-06, 02:16 AM | 籃球 | (154 Reads)
成個月都無打過波,今日終於有得打下,可以話係對於不如意既工作以外一種好好既娛樂。

今晚搵得吾多人出黎打,得大舊、文文同我三個人。我一共打得 2 場添,第一場文文未到,得我同大舊拉多個肥仔一齊,對手三個人默契非常好,走位、傳波同射波做得非常流暢,但我隊因為有個肥仔夾埋,所以默契吾多好,加上個肥仔都幾一般下,所以無何奈何下,我同大舊起手次數比較多。其在今次我居然幸運地手風好順,成場波得 5 球有 10 分,大舊得 1 球有 2 分,個肥仔都係得 1 球有 2 分。不過最後都輸左 22 比 14。

到左第 2 場,今次我拉大舊同埋一個吾識既高佬一隊(剛剛呢場文文又係無落場),呢場 2 個隊友實力都遠遠在我之上,令我自己都吾係咁積極取分,結果成場波我一分都無,而大舊同個高佬就夾埋有 16 分,不過都輸 22 比 16。兩場令我自己覺得如果我落場時 2 個隊友都勁過自己時,自己會無咁上心去取分,直接令命中率大大下降,因為心諗場波會有人去攞分,吾駛自己去攞 ; 相反,如果隊友比自己弱時,咁自己就會搏命 d 去取分,而射入既機會亦提高。

順帶一提,大舊同文文另外都夾左一個街外人打多 2 場,不過比數我就吾多知,不過都係輸埋。不過算喇,成個月無打,下次再黎過emoticon