香港新浪網 MySinaBlog
« 上一篇 | 下一篇 »
Eric Yim | 10-06-06, 20:29 PM | 生活點滴 | (149 Reads)
時間係 2006 年 6 月 9 日,時間係 6 點幾,突然收到仍然軟禁响屋企呀病人既電話,「大鑊喇,哥斯拉屋企水浸,我有病吾出得街,你快 d 去哥斯拉屋企幫手。」我心諗係咪咁誇呀,咁就放工去睇睇乜事。點知......

去到哥斯拉屋企,滿目瘡痍,成地都係水(佢屋企係西班牙別墅既頂樓連天台,尋日中午時落超大雨,由於佢個天台得 2 個排水口,每個排水口得大約 5 吋 x 5 吋左右,又抵死左其中一個排水口生長一顆草既物體出黎,大大阻住一個排水口排水,令 d 水係去吾切而經條樓梯流落佢屋企),加上哥斯拉為人非常污濁,屋企周圍都係塵,所以响水 + 一舊舊污塵混合既情況下,令佢間屋變得非常污濁。其中一個紙箱濕到有一個 8 吋高既水深痕,睇黎當時佢間屋情況最壞時應該浸到有成 3 吋高。

事不延遲,馬上做野。即刻將一些吾要既野放晒入垃圾袋,大大話話有成 10 袋垃圾,佢屋企有鬼咁多野,成 10 袋野要攞去行成 3 分鐘路程遠既垃圾站度掉,咁我同呀哥斯拉條仔响當時 8 點幾既時候,當時又係落住超大雨,加上行著嘭嘭聲既雷之下,係咁攞住一袋二袋既垃圾去垃圾站,個袋又大,我地 2 個人好似聖誕老人咁,當時又超大雨,d 係屋同係架車度既人見到我地一定以為我地 2 個傻既,大風大雨仲要出黎掉垃圾,d 垃圾一定好重要,咁急著掉。

掉完一包包好重既垃圾之後,我地開始用地拖同兜清理間屋既水,結果掉左十幾次水桶既污水。但脄突然間天台既水又開始流入屋內,我同呀哥仔即刻走上天台睇下,發現一顆植物頂住左一個排水口,諗住即刻拔開顆野,點知顆野實到死,當時又雷電文加,傾盆大雨,我地 2 個用支叉係咁刮,之後出盡力先至扯到顆野出黎,d 根有成呎長emoticon !!!!!

之後都好攰下,而且佢間屋最迫切既野都已經搞掂,都係時候收隊,由於衝出去掉垃圾時傾盆大雨,所以成身濕晒,急急腳返屋企沖涼睇世界杯。

睇黎哥斯拉間屋今次都係時候添置傢俬emoticon

Picture
電線放响地非常危險,所以佢屋企開頭係跳左fuse。

Picture
家居清潔係非常重要的,千其不要臨危抱佛腳。

Picture
其實圖中中間處黑色一條的就是今次水浸的罪惡呀草喇,不過當時太大雨,加上小弟技術吾好,所以影吾到出黎。


[1]

水浸好煩, 我屋企上年BASEMENT都中招, 同我問候下哥斯拉啦~!!


[引用] | 作者 小余 | 10-06-06 23:21 PM | [舉報垃圾留言]

[2]

真是好嚴重..所以平日清潔好重要.


[引用] | 作者 Carson | 10-06-06 23:39 PM | [舉報垃圾留言]

[3]

'O'
都係你夠義氣~


[引用] | 作者 | 27-06-06 07:26 AM | [舉報垃圾留言]

[4]

你真係好人呀,,,風大雨大都肯去朋友仔屋企幫手..

佢受到教訓之後,應該會有改善,不過係一個好大既教訓囉


[引用] | 作者 gOLdFISh | 07-07-06 01:31 AM | [舉報垃圾留言]