香港新浪網 MySinaBlog
« 上一篇 |
Eric Yim | 27-12-08, 20:22 PM | 生活點滴 | (471 Reads)

亞視做劇集吾掂、做音樂吾掂,連攪波都吾掂,真係無得救。

近來亞視搵左歐洲三流聯賽蘇格蘭超級足級聯賽黎播,差吾多每個星期都播一場,但以往只係放响高清台度做直播,令無裝高清既我無法嘗試收看,剛好今個星期上演些路迪對格拉斯哥流浪呢個响蘇超既最強戲碼,佢就將呢場波放响亞視本港台度做直播,而英超今日無比賽,我就因此試下睇下亞視播波(吾計以往亞視直播世界杯呢類最重量級比賽)。

吾睇都仲好 d,一睇只下,發覺亞視真係無得救。而家好多免費台、收費台都搵波黎播,用左好多講波佬,其實講波佬既質素都幾參差下,但從未發覺會好似亞視咁差到無得救。

場波些路迪一方既龍門狀態不佳,講波佬竟然理直氣壯話個龍門狀能吾好,對手一定要借機會撞下個龍門,等佢甩下手,黎搵機會入波。响而家講求公平競技既大環境之下,個痴線講波佬完全違反公平意義,佢應該反省下。

另外,個講波佬又响開波無耐介紹下呢場蘇超最強戲碼既背景,佢竟然話些路迪對格拉斯哥流浪係全世界最出名既打比戰,真係認真笑死人。吾道意甲既米蘭打比、英超既車路士對阿仙奴、西甲既馬體會對皇家馬德里,認受性會比呢個蘇超既三流聯賽打比弱嗎?

個講波佬既足球知識真係要惡補下,格拉斯哥流浪既前鋒堅尼米拿,上一季在英超榜尾球隊打比郡中作賽,今季來到蘇超"班霸"格流落球。英超近年已被喻為最世界最強聯賽,對比蘇超呢個三流自然無得比較。個無能講波佬居然話堅尼米拿响格流踢得好好,只係响英超既打比郡打得吾好,其實,簡單一句就係堅尼米拿佢吾夠班踢頂級聯賽,咩野叫而家踢得好好,只係上季打英超表現吾到出黎,廢話。

以上既廢話,全部來自亞視既三位講波佬(一個係山度士,佢講既野已經係最似人講、一個好似叫除國安,廢到無倫、一個好似吾知叫咩傑,又係廢話連篇),吾係黎自佢今晚請返黎既晨曦足球員嘉賓,亦即係呢 d 廢人係亞線自己搵番黎架,無得賴人。

除左以上廢話外,三個講波佬毫無默契,又吾跟波講,間中又講下自己野,完全吾專業既表現。亞視既好野,黎黎去去就話佢今年既奧運做得好,主持好專業 ; 一係就十年、八年既尋找他鄉的故事 ; 再吾係就十幾年前既今日睇真 D ; 真係講吾掂就搬番二、三十年前既大地恩情出黎。亞視抬得出黎既好野就十隻手指都講得晒,但衰野就用十日都講吾晒。

都係王維基講得啱,「 亞視衰到貼地 」!!!!!!


[1] 心情有點悶

最近失業、心情有點悶、看到您的文章、順便推一下

 

情趣用品 A片 免費a片 安眠藥 日本女優情趣內衣 av


[引用] | 作者 持久液 | 13-08-09 00:18 AM | [舉報垃圾留言]