香港新浪網 MySinaBlog
« 上一篇 | 下一篇 »
Eric Yim | 30-11-08, 23:30 PM | 籃球 | (260 Reads)
己經好一段時間無再寫有關打波既事,而今日打波又幾有 3 分球既狀態,就為今日做個紀錄 !

即將來臨既星期五,係自己公司(寫字樓)對 auditor 既一場友誼足球比賽,對吾多曉踢波既我來講,而家先學基本功係無可能,唯一可以做既就只有練下氣。所以今日打波絕對可以有練氣之效。

今日打波,無呀叔、文文响度,只有我同大舊兩個人去。可能因為天氣轉涼關係,籃球場吾係咁多人,但亦因為咁,跟隊時間亦吾會太耐,可以快少少有得鬥波。

今日一共打左 3 場波,第一場面對既 3 個對手,基本功幾好,其中兩個都幾大隻下,而我負責 mark 既一個,有好既射術,加上有一個大隻佬經常為佢做單擋,令佢既射術可以經常發揮出黎。最後己隊以 21 比 15 落敗,而自己射入兩球,當中一個係三分球。

到第二場,已變左另外三個不同既對手,呢場比賽一直落後,最後反勝 21 比 18,自己射入 3 至 4 球左右,最高興係自己射入最後一球,而且最一個 3 分球。呢場波之中,大舊 mark 既對手籃底功夫了得,而且經常合法地起肘,又响籃底射入吾少分數,令大舊處於苦戰之中。

緊接住贏得一場之後,到了第 3 場,3 個對手平均約 5 尺 7 左右,身形上難於強攻籃底,所以最力以外圍射術為主。由於有大舊鎮守籃底,令對手無法在搶籃板上取得任何優勢,直接影响對手射波信心,所以對手命中率頗低。相反,己方頻頻中距離和籃底入波,使賽事好快已經拉開距離,最後以 21 比 8 取勝。自己入了 3 球左右,最高興亦是在賽事中射入一個 3 分波。原本贏了之後,可以再繼續打多一場,但因為時間關係,所以決定走人,最後今晚結果係 2 勝 1 負。

一向攻力平平既自己,可以一晚 3 場波之中,都有入球,不是易事 ; 每場都入超過一球,又不是簡單 ; 3 場波都射入 3 分球,更加是難能可貴。