香港新浪網 MySinaBlog
« 上一篇 | 下一篇 »
Eric Yim | 07-09-08, 23:58 PM | 生活點滴 | (957 Reads)
2010 南非世界杯既歐洲區外圍賽昨晚正式全面展開,絕非英格蘭既我,响無咩其他吸既戲碼情況下,就儘管看看英格蘭對安道爾比賽。

我係英超既比賽一向係捧場客,但對英格蘭國家隊就一向都係反對者。

我鍾意睇英超,一個好主意既原因係好多英超球隊都好有錢,就算係一 d 中型球隊,都可以有錢去買一 d 貴價球星,另英超可以經常睇到吾少球星踢波。相比其他地方聯賽,例如德國、意大利、荷蘭、西班牙,除左班霸級球會外,其他二、三線球隊根本無錢去買球星,另呢 d 國家既聯賽經常都只係得三、兩隊鬥。

英超打法亦都好悅目,打體能、講速度,令比賽節奏好吸引,而對比其他聯賽來說,的確係比較吸引。

不過,英格蘭國家隊就真係非常不濟。國家隊既球員個個當自己球王咁,因為佢地响自己球會打到識飛咁,但從來無諗過佢地响球會咁勁,只係因為佢地球隊內有好多好勁外藉球員,成班勁人夾住黎踢,結果球隊有成績,就以為係佢地自己一己之力。簡直係幼稚。

英格蘭既領隊永遠做吾長,皆因佢地選人、用人永遠有好大約束。所有球星只要無病無痛就一定要選入隊,吾理佢地有冇狀態。响英格蘭內,球星文化太根深柢固,佢地成日以大哥自稱,一定要入國家隊,仲一定要打正選,結果係英格蘭個陣最近呢四、五年根本無咩變化。面對同級或比自己高級既對手時,對手已經知道你打咩戰士,令英格蘭難以在戰術有大突破。若對比其他國家隊,選球星一定有重要性,因為可以有壓陣功效,但總會把狀態一起計算在內,而且亦會有提升新球員入國家隊的情況出現。球隊要間中換血才有進步,起碼令球員知道他們不是必然入選的,是要靠努力的。

說回昨晚的比賽,英格蘭面對世界排名比自己低過百位的安道爾,對手全場死守,英格蘭班大哥球員好似無從入手,只識得將波放入禁區,諗住俾班前線球員自己去就算,完全無一套有效既戰術去破敵。成隊英格蘭國家隊之中,大部份都係本身隊會既球星級球員,結果成班大哥去到國家隊,本身有幾多料即刻現晒形。

結果英格蘭只係响下半場連入兩球,全場以 2 比 0 勝出。就算英格蘭可以出線到 2010 世界杯決賽周,以英格蘭國家隊既大佬文化,相信都無咩成績可以交出黎。

留言(4) | 引用(0) | 話題(運動)

[1]

極速修身, 十天可減2-5磅, 無須食藥節食做運動

名額有限, 請從速登記

詳情: http://hk.myblog.yahoo.com/tendaykeepfit


[引用] | 作者 keep fit now!! | 08-09-08 13:53 PM | [舉報垃圾留言]

[2]

佢仲夠膽選碧咸就知球星政策幾深入民心!
三十幾歲,兩年後南非世界盃已經係三十五歲高齡,得一招殺食,加上於一個只有英冠(甚至英甲)程度聯賽踢波,正常黎講係冇可能入選國家隊!咁ge球員個個都當佢神咁拜,連領隊卡比路都逼不得已選左佢,真係唔明俾六百萬磅卡比路為乜囉!


[引用] | 作者 Near | 10-09-08 02:15 AM | [舉報垃圾留言]

[3] Re: Near
Near :
佢仲夠膽選碧咸就知球星政策幾深入民心!三十幾歲,兩年後南非世界盃已經係三十五歲高齡,得一招殺食,加上於一個只有英冠(甚至英甲)程度聯賽踢波,正常黎講係冇可能入選國家隊!咁ge球員個個都當佢神咁拜,連領隊卡比路都逼不得已選左佢,真係唔明俾六百萬磅卡比路為乜囉!

吓,euro08就係無咗碧咸要瓜柴喎(當然這只是其中一個因素啦),總好過放個識跑100米多過適合過踢足球的艾朗連儂卦? 行走江湖,得一招係齋啲,但若果那一「招」幾乎次次都可構成威脅﹐甚至製造入球,咁又真係唔拘喎,所以我又覺得無乜問題。02年世界盃外圍賽最後一場,都係靠時年35的舒寧咸,一入場就頂入,才無輸比希臘之嘛!

Gunner
[引用] | 作者 Gunner | 11-09-08 22:05 PM | [舉報垃圾留言]

[4]

英格蘭國家隊既不濟,吾係某一、兩個球員既問題,而係英格蘭足球文化既問題。好似剛剛贏左克羅地亞 4 比 1 既一場波咁,有一個人連中三元,就當左個人係神咁。

Eric Yim
[引用] | 作者 Eric Yim | 14-09-08 16:15 PM | [舉報垃圾留言]