香港新浪網 MySinaBlog
« 上一篇 | 下一篇 »
Eric Yim | 26-03-06, 16:31 PM | 我的各樣介紹 | (574 Reads)

大家有機會真係要去呢度試下...........

星期四(23/3)一行 4 人去左太子既"鐵板超"度食野,呢度主打食日本野,有刺身、壽司、鐵板燒。我地坐响bar枱度食燒板燒,先叫左 2 碟壽司食,之後再點左 2 個鐵皮燒餐食,一個係鮑魚、另一個係大蝦(每個餐都要成 500 幾)。跟住個師傅就埋位開始煮,個師傅技術真係好鬼勁,手執 2 把漆鏟,再加一把刀,d 食物佢想點砌就點砌,d 鮑魚砌到好簿,隻蝦佢只响中間砌一刀,再一開就即刻成隻起殼。

再講下食物既味道,d 牛肉卷好好味,6 成剛剛好。之於 2 個餐既主打鮑魚同蝦,我就覺 d 蝦好好味,比鮑魚仲好味。食食下我地覺得吾係好夠,就再叫多個鮮露筍卷同雞腎,呢 2 款野食都 ok ,個雞腎面加左類似蒜蓉上面,飲味道變得幾香。最後個餐有紅豆雪糕做甜品。我地叫左少少野飲,埋單時要成1300幾,即係平均每人要成 300 幾,都幾貴下,不過好彩吾使我俾emoticon

有一樣野不得不提,就係師傅既技術,當佢整個安格斯牛肉時,會先熄左佢上面幾枝燈,再响牛肉面上澆上酒,之後手執一支煤氣火槍,响牛肉上面點火,咁塊牛肉就即刻紅紅烈火,全場人都即刻望住佢既表演。當佢地煮完成個餐之後,就會自己收拾自己個場,包括煮具、爐,而負責我地呢枱呢個師傅仲好有禮貌咁對我地呢枱既人講多謝。

鐵板超純和風日本料理
太子太子道西150-152號地下B舖


[1]

好久沒有去過...果然都可以保持水準.


[引用] | 作者 Carson | 02-04-06 01:40 AM | [舉報垃圾留言]