香港新浪網 MySinaBlog
« 上一篇 | 下一篇 »
Eric Yim | 18-08-08, 21:21 PM | 生活點滴 | (129 Reads)

今天是一天補假的假期,一早起身,便收睇奧運比賽。今日目標有兩個,第一個係早上11點50分男子110m欄,劉翔正式出場 ; 第二目標係下午2時正的男子籃球分組賽,中國對希臘。

先講籃球比賽,由於中國已經穩奪小組出線權,所以今日既比賽只為名次之爭,輸掉了也不是大問題,今日比賽係中國隊練兵之用。

再講講110m欄預賽,未開始呢場比賽前,我認為只係可以叫作劉翔既熱身賽,同組根本沒有強勁的對手,心諗場比賽會一面倒。可惜比賽卻變得緊張萬分。

大約11點30分左右,110m欄前5組比賽完成,到第6組,亦即是劉翔出場的一組,大事亦隨即來臨。

劉翔開始過欄熱身,但過了其中一個欄後,見佢突然隻腳拉下拉下咁行到場邊,從佢面貌可見,佢應該隻腳有傷,因為佢個樣好似好痛,而且不停撫摸小腿和腳根。之後佢慢慢步行回起跑點,見佢個樣好無信心、好猶豫,佢遲遲吾換件號碼布衫,估計當時佢有退出既念頭,當時鳥巢觀眾可能根本睇吾清楚佢既情況,便大聲叫加油、加油。劉翔當聽到呢陣加油聲之後,便馬上脫下外衣,穿上號碼布,準備應戰。

雖然已經準備應戰,但身體不行就始終不行,準備起跑時,仍然顯露出非常痛楚。起跑槍聲響起一刻,劉翔亦背起無數壓力起跑。幾步之後,有2件事出現,第1件事係有選手偷步,要重新再起跑 ; 第2件事係劉翔紿終不能在腳傷下作賽,隨即除下號碼貼,步行離開賽場。

鳥巢觀眾即時反應係全場嘩然,然後大量觀察馬上離場,其後中國奧代表團舉行新聞發佈、新聞報導頭條等都在劉翔腳傷後不足2小時出現,下午的電視亦出現劉翔介紹、醫生專訪等紛紛上場。

由電視直播劉翔出場、熱身、受傷、猶豫、盡力一拼、放棄、到最後離場,時間上只係15至20分鐘。不過當時既情況真係好緊張,比之前咁多日任何一場比賽都緊張,甚至比以往所見過既什麼世界杯、香港金牌更緊張刺激,因為今日係一個背負十多億中國人民的體動員响傷患下出場與否,今次北京奧運,信相係佢一生人唯一一次可以响主場作賽既奧運會,如果今次係一次作客既奧運會,相信佢一開始便放棄。由北京奧會開始前,已經有說令次奧運中國最重要既一面金牌就110m欄,因為鬥跑呢類運動一向係歐美人既天下,上次希臘劉翔贏過一次,如果令次可以在中國主場贏多一次,就可以明正言順中國都可以跑得贏歐美人。

事實已經發生,無可挽救,只希望劉翔可以傷患痊癒,4年後奧運可作一次回歸之戰。


[1]

我都覺得好可惜!

﹍◎LoWrEnCe●◇
[引用] | 作者 ﹍◎LoWrEnCe●◇ | 20-08-08 02:07 AM | [舉報垃圾留言]

[2]

只希望佢快D好返, 作為一個運動員, 佢自己好痛苦左好耐~*

gOLdfiSh
[引用] | 作者 gOLdfiSh | 22-08-08 23:28 PM | [舉報垃圾留言]