香港新浪網 MySinaBlog
« 上一篇 | 下一篇 »
Eric Yim | 22-03-06, 23:45 PM | 籃球 | (155 Reads)
話說响12月2日,大舊同人响籃球場度嘈過下,事隔3個幾月,今日終於响球場再撞返佢地。

今日得我、大舊同呀叔 3 個人打,開頭第一場我地同 3 個見都未見過既人打,結果我地力戰而敗,輸 22 比 18,我地 3 個人每人都有入過下波咁,無乜特別。

但第 1 場波打打下突然見到早幾個月前(12月2日我個blog都有寫呢件事)個四眼仔黎跟隊,不過點知我地輸左,結果對吾到佢。打左 2 輪波之後,終於輪到我地對佢地,點知個四眼仔呢場波吾落場(我相信佢吾係驚,而係佢打左 2 場有 d 攰),所以我地最後對住佢 3 個friend,照打。

一開波我地真係打得吾係好順,俾你 lead 住黎打,但好彩都帶吾開雙位數字,之後我地慢慢追上黎,打到 20 比 14 ,但仍然係我地落後,大舊開始佢既拿手好戲 = 鏟籃,我地 3 個就好似上左鏈之後放開黎俾佢行既公仔咁,呯呯聲係咁上,一路直追,追到 20 比 18 決勝階段,我就叫大舊射 3 分波,希望一球反勝,大舊之後射左 2 球 3 分波,而文文亦射左 1 球 3 分波,但都吾中,之後改打反 2 分波,文文一球搞掂, 20 比 20。原本諗住再打 7 分分勝負,但佢地話打 10 分,咁無計喇,就 10 分喇。點知我地上左既鏈未行完,結果一波 10 比 0 既攻勢將佢地 ko。我同大舊响加時各得 4 分,而文文又再一次射入最後埋單一球,結果佢响加時階段入左 2 分。

之後一場同大舊有牙齒印既四眼仔打,不過我地都冇乜心同佢地,佢想殺人咁走出球場,我地 3 個人完全吾防守,佢地見到咁都好無奈,最後我地以 22 比 9 輸,但係我地 3 個都係行行企企咁射下就算,佢地就滿場走咁打。


[1] 0趙佢

Eric:

我諗過,我下次再對住佢,我唔會留手,要狠狠地執劑勁既佢嘆!!!!


[引用] | 作者 大舊 | 30-03-06 22:21 PM | [舉報垃圾留言]