香港新浪網 MySinaBlog
« 上一篇 | 下一篇 »
Eric Yim | 26-06-08, 23:27 PM | 生活點滴 | (94 Reads)

尋晚半夜起身睇歐國杯 4 強 - 德國對土耳其,但睇睇下突然無野睇,跟住成班講波佬係咁講番上半場既野,等多好幾分鐘,有返畫面,之後無耐又無畫面。

成個下半場就係咁樣斷斷續續左2、3次,成場波有 5 個入球,結果第 3 同第 4 球係睇吾到。

而當班講波佬响無畫面之時,佢地即刻對住個畫面解釋無畫面既原因,內容都好搞笑吓。

「 瑞士方面電力發生問題,令訊號無法傳送,在此致歉。」

電視台無非想講吾關佢地事,係外國供應商既問題。但其實電視台係供應商同客戶既中間人,就算佢點解釋,都有責任確保外國既供應商有穩定既訊號。

瑞士方面有電力問題出現,先不論真假,又係好搞笑。做呢類咁緊要既直播,而且仲係一個已知既固定地方進行,無後備方案或緊急應變措施,居然可以幾次中斷訊號,真羞家。