香港新浪網 MySinaBlog
« 上一篇 | 下一篇 »
Eric Yim | 07-06-08, 19:15 PM | 我手寫我心 | (98 Reads)
歐洲國家杯即將開鑼,冠軍是誰,我就選左3隊心水球隊。

荷蘭 - 歷史上荷蘭响國際大賽只曾奪歐洲國家杯,而且係20年前既事(1988年)。今屆荷蘭人腳上中前場攻擊球員非常充足,而且球員年齡大多係廿多歲,夠活力、鬥心強。雖然荷蘭球員經常有內部不團結問題,但現今教練係荷蘭一代射手雲巴士頓,信相可以駕馭得到手下球員。後衛實力係荷蘭一大問題,但係荷蘭有今屆歐聯冠軍隊既龍門雲達沙把關,信相都可以抵消到一定程度既後防問題。
荷蘭已經20年未取得國際大賽,排隊都應該到荷蘭。且而老牌強隊意大利、法國、西班牙都有不少問題。唯獨大熱門德國係處於強勢,但我一向都相信國際大賽係頂頭大熱門既墳墓,所以對荷蘭最有信心。

克羅地亞 - 歐洲區內屬於二線頭的隊伍,隊中缺乏頂級球星,比較多人認識有卡蘭積卡、達施華(因嚴重受傷已無入選是次比賽)、卡施歷。其實論實力克羅地亞絕對不是冠軍級,比德國、法國、意大利、西班牙、葡萄牙、荷蘭肯定不及。但今次克羅地亞有利於編組形勢,處於B組,同組有德國、波蘭、奧地利,實力上在此組只低於德國,信相出線問題不大,所以已經過一關。
之後是8強戰,B組無論首、次名出線都是會與A組的出線隊伍對賽,A組有瑞士、捷克、士耳其、葡萄牙,正路出線隊伍我估計會係瑞士、捷克、葡萄牙其中兩隊,而我亦信相葡萄牙機會最高,而捷克同瑞士是50/50。如果克羅地亞對瑞士或捷克,相信可以睇高少少。相反對葡萄牙的話,葡萄牙實力上會是在克羅地亞上,克羅地亞會是處於下風,但相對於其他一線強隊,葡萄牙會是較弱的隊,克羅地亞絕對有力一戰,可搏偷鷄出線。
如可過8強一關,便是到4強戰,對手會是另一邊A、B組分組出線的對賽勝方。相信對手會是德國的機會很高。剛才提到大熱門無好下場,相信德國都係時候落車。結果克羅地亞出線到決賽。去到決賽一場過,無論對手是誰,點都出盡全力一拼,所以對手是誰已經不重要,一切只看臨場發揮。

捷克 - 上星期一份報紙報導一間外國公司於06世界杯時準確計算到意大利奪標而回,而本屆歐國杯計算決賽是意大利對捷克,而且係捷克奪標。我自己半相半疑......。但報紙報導得很利害,我就相一次。

依次序我會冠軍首選荷蘭,次選克羅地亞,最後捷克。其實最初我第三選不是捷克,而係俄羅斯。