香港新浪網 MySinaBlog
« 上一篇 | 下一篇 »
Eric Yim | 26-05-08, 20:51 PM | 籃球 | (110 Reads)
尋晚約左friends去球場打波,原本呢幾日無咩體力消耗,所以就係尋晚天氣好熱,自己應該體能都應該無咩問題。

但係到落場打波時,只係幾分鐘時間,自己已經全身濕晒,體能消耗比原先想像既大得多,相信尋日既天氣太熱同濕氣太重。再加上尋日朝早時落過大雨,到夜晚時雖然個場表面見係乾晒,但係實際上個地係好似有少少濕,令到每跑每一步時要用多左力去拉住個場,防止自己跣倒。大大增加左體能負擔。而我打法一向都係要靠不斷走位去接波,所以尋晚狀態被體能所影响而變得好一般。

之但係早個多月前不斷苦練既 3 分波,尋晚終於有機會一試。全晚做過 4 次試射,雖然只係入左 1 球,不過射失既 3 球都係射得好接近,全部都可以命中到籃框。相信日後我只要有空位和信心時,就可以作更多既 3 分波試射,因為實戰上既 3 分波試射,比無對手下既射練來得更直接。