香港新浪網 MySinaBlog
« 上一篇 | 下一篇 »
Eric Yim | 27-02-06, 23:02 PM | 我手寫我心 | (161 Reads)

尋晚睇完英格蘭聯賽杯決賽,由英超班霸曼聯對今屆英超升班馬韋根。我由未開賽前既期待、之後刺激既比賽、及後變得平淡沉悶、到最後既未完場我就熄電視。成個過程,可能因為一個字luck - 幸運,luck一個字,有時我都吾知信佢有定信佢無,是否一切事都可以由人主導,定還是luck都佔一部份去改變每件事呢。所以我覺得 luck 係一個好深奧既字。

先講下呢 2 隊波,曼聯係英超班霸,雄霸 90 年代既英超聯,但踏入千襜年之後,開如走下坡,但仍屬一級強隊,係英超三強之一,相信好多人都聽過佢個名。而韋根係今屆英超升班馬,但憑藉其氣勢、鬥心和努力,於聯賽榜排在中游位置,最利害處係在聯賽杯擊敗各隊名氣比佢大既球隊殺入決賽。比賽前預測雙方實力雖有差距,但每當決賽所有球隊都會拼到盡,所以相信 2 隊係有得打。

上半場比賽初段,曼聯較多攻勢,但係韋根都仲頂得住,間中仲有 d 有威脅既攻勢,可惜至上半場中段,韋根因為 2 個後衛一次解圍失誤而被曼聯先開紀錄領先 1 比 0 。但韋根豪無氣餒跡像,反而更積極去搶攻,更有 1 、 2 次機會追平。結果比賽以 1 : 0 曼聯領先 1 球完上半場。

到左下半場初段,韋根仍然積極去追平,令比賽仍然好緊湊。不過可能就係 1 個 luck 字改變左呢場球賽,當時仍是下半場初段,曼聯右路攻勢,底線出一個中腰波,個波落到去曼聯前鋒腳下,佢向前一篤,但個波被韋根龍門救到,佢雖然未能將個波接實,但仍將個波撲出。呢個時候,個波居然彈左去曼聯個前鋒隻腳度,仲反彈入網,將比數拉開到 2 : 0 。之後韋根完全因呢球而蝕氣,比曼聯好快再入多 2 球。韋根就响呢個情況下被曼聯大勝 4 : 0。

以實力計,曼聯贏係正路,但第 2 個入球其實係非常關鍵,未入第 2 個波前,韋根仍盡力一拼,可以話係有得打。但第 2 球黎得有 d 神怪、出奇,或者只可以用一個 luck 字黎形容。

所以人力、luck有冇關係呢、或者係咩關係、2 者程度又有幾多呢 ? 真係好難理解。


[1]

正所謂一運,二命,三風水!


[引用] | 作者 Carson | 28-02-06 20:29 PM | [舉報垃圾留言]