香港新浪網 MySinaBlog
« 上一篇 | 下一篇 »
Eric Yim | 21-04-08, 19:05 PM | 生活點滴 | (96 Reads)
啱啱過左去既星期五,我讀緊既晚間 HRM 進修課程個 Miss 話 5 月份第一堂取消,個課程就順延一個星期先完結,原因係佢工作既公司要佢當日離開香港出 Trip,佢响無法推卸之下,被迫嗰日返吾到學上堂。

呢件事上,我無懷疑 Miss,我相信同埋接受佢既理由。原因,首先,工作既野,老細要妳出去做野,妳就要做架啦,況且佢平日份工係叫做正職 ; 夜晚教下書係兼職。換左係我,我都服侍正職個老細先喇。

第二,佢上吾到呢一堂,但係佢會順延一個星期去上番呢一堂,只係時間上有少少分別,對於做學生黎講,無蝕。

不過,反而今次呢件事上,有一個問題係出現左既。佢係 Miss,佢只需要同學校講話上吾到 5 月 2 日呢一堂,順延一個星期去上番呢堂,之後上堂時同我地講番呢件事出黎,咁就可以搞掂件事。但如果係一個學生因為 OT 上吾到下星期五一堂,咁係咪可以搵 Miss 補教番佢一堂呢 ? 雖然我無事實去佐證,但客觀一點黎講,機會真係好細吓。

問題就出現喇,教師係人 ; 學生係人,但點解大家都係人,同一件事上會有吾同既處理手法呢。真心一句,做左廿幾年人既我,對於咩公平社會、人人平等既說話已經無咩大感覺。但社會上仍有不少衛道之士响度追尋緊公平,但事實係社會上係無絕對既公平,悲觀說法係只有相對既公平。
讀書時,點解 Miss 可以電髮 ; 但學生吾准電髮返學呢 ?
工作時,點解高級 d 既職員,佢地既醫療保險比一般職員更全面、豐厚呢 ?
以上兩個例有一個共通點,就係有優待既一方係有權力既一方面,而無優待既一方係平凡既一方。
正如上次既文章中曾提及,權位、力量可能才代表真正公平。
明白、明白,已踏足社會多年,已經看慣了。