香港新浪網 MySinaBlog
« 上一篇 | 下一篇 »
Eric Yim | 17-04-08, 08:39 AM | 我的各樣介紹 | (275 Reads)

久違多年既Rambo,依然住响泰國,過住捉魚打獵既生活。

有一日,一班外國義工隊以到緬甸為目的地,進行人道援助,並準備以泰國進入緬甸。此時他們便找到熟悉路線既Rambo作響導帶他們進入緬甸。但中途遇到海盜,Rambo因為保護義工隊而大開殺戒,但反而被破口大罵,最後Rambo在完成運送任務後便離開。(好人難做...)

後來義工隊被軍伐捉拿,義工隊所屬既教會請來一班軍人來營救,請來Rambo再一次當響導帶領進入緬甸。經過左超過半小時既故事交待後,就到左Rambo做野既時候。最後義工隊成功被救出,而Rambo回到美國家響,相信Rambo既熱血一生亦真真正正告一段落。

史泰龍畢竟老了,從電影畫面上看到,對眼袋已經跌左落黎。一對手臂依然見得下人,但全程都要著住衫,相信任由他如何努力,個body點都操吾番廿多年前既身軀。大家仲記得Rambo 3電影開端時佢响泰國同人對打呢一幕嘛,到了今集時,電影開端依然有响泰國打黑市拳一幕,但拳手已經不再是Rambo了......。歲月不留人,從電影開端時所見,Rambo已經不覆再,但到左呢個年紀仍然肯企出黎拍呢部戲,史泰龍呢個精神絕對係無得頂。

以往既Rambo 2 & Rambo 3時,電影開始無幾耐,已經即刻打打殺殺,仲要係Rambo一個人由頭殺到尾。到左Rambo 4,此情此景已不再,先黎半小時有多既故事交待,到主菜時,又找到一班顧傭兵同Rambo拍住上去救人、殺人。不過既然拍得Rambo 4,史泰龍點都要俾 d 野黎睇下。講講Rambo既身手,响Rambo在軍營救人時,爬黎爬去,見都仲似以往既佢,仲好敏捷下。及後Rambo俾狗追,見佢係咁跑、係咁跑,雖然吾知呢一幕係咪係咁NG,不斷拍先有咁既效果,但呢一幕所見既Rambo,簡直係同後生既佢無分別。整套電影俾Rambo表演既時間真係吾多,可能只係得30分鐘左右係佢既表演時間,信相史泰龍體能上已經無法支持整套電影由頭打到尾,但佢儲足力去表演呢30多分鐘既Rambo,依然係充滿力量。

另外,故事中主要係交待一隊義工隊要到緬甸進行人道援助,但呢班衛道之士只相信道理、公義,絕對否認暴力,所以當他們遇到海盜時,整船人隨時有生命危險,Rambo及時以殺人來相救,但反被大罵。人總係主觀既,當一個人處身於一個如何的社會內,便會相信那一套信念。在現今社會上,有一大群衛道之士總係來自有穩定收入、知識份子、專業人士,掛住一面人道既旗幟,到世界各地相對他們生活環境為落後既地方進行救助。但係,人既思想係最自由既,任由身體、行為上有任何束縛,但腦袋上既思想係無人管得住。當你主觀上要同對方講道理時,但你亦要考慮下對方係咪願意同你講先。有閒錢、高床軟枕、工作穩定時,人就會用個腦係咁諗野,要改變世界、同化別人到自己既生活,然後就掛住衛道之士既旗幟。但有否諗過現實呢 ? 正如我剛剛所說,不是每個人都受你呢套,可悲地,權、力可能才是人最基本信既一樣東西吧。要改世界,先拿出權和力出來吧,衛道之士。


[1]

好似好正咁wo!~

﹍◎LoWrEnCe●◇
[引用] | 作者 ﹍◎LoWrEnCe●◇ | 17-04-08 21:02 PM | [舉報垃圾留言]

[2] Re: ﹍◎LoWrEnCe●◇
﹍◎LoWrEnCe●◇ :
好似好正咁wo!~

的確係吾錯~~

Eric Yim
[引用] | 作者 Eric Yim | 21-04-08 19:05 PM | [舉報垃圾留言]