香港新浪網 MySinaBlog
« 上一篇 | 下一篇 »
Eric Yim | 27-03-08, 22:33 PM | 旅行 | (163 Reads)
復活節假期剛剛結束,由 23/3 至 27/3 呢整整 5 日期間,去左一個短線但又有少少特別既旅行到台灣。特別之處係今次旅程吾係搭飛機去,而係坐一隻大郵輪去 - Rhapsody of the Seas (海洋迎風號)。

Picture整個旅程可以分為 3 個部份 : 3 天多的船上旅程、大半天的台北基隆、大半天的台南高雄。

郵輪之旅
先介紹一下呢隻郵輪:
長 915'
闊 105.6'
吃水深度 25'
船中共分有 10 層
載搭 2400 多人
這郵輪簡單來說是張一間酒店搬到了一隻非常大的郵輪上去運作,設施亦很整全,餐廳、酒吧、泳池、賭場、遊戲機中心、商店、醫療中心、雪糕店、健身室、攀石場、供表演用的劇院、24 小時的前台服務中心,所有的設施雖然都比一般的較為細少,但能夠在一隻郵輪上放在一起,已經不錯了。

經過了 3 天多在船上生活,經過了維港、基隆港、高雄港,途中看到了一些其他的郵輪,比較 "Rhapsody of the Seas"  來說總是細了幾個碼,所以當郵輪在各港口游來游去時,成日都會有好多人向住呢隻船影相同埋揮手。

3 天多屈在船上究竟悶吾悶呢 ? 但船上每日都會搞好多活動來娛樂搭客,而且係範圍遍及各年齡搭客,例如卡拉 ok 比賽、扔豆袋、兒童集體活動,最重點既係每晚都舉行既一個 show,4 晚當中 4 個節目,有雜技、魔術、百老滙歌舞、藝術表演,當中既魔術係我覺得最精彩的。

不過船中既伙食係最不濟的,早餐同午餐例必要去食 buffet,但係味道真係麻麻地,仲要食足咁多日,夜晚嗰餐雖然有另一間可以點菜的餐廳選擇,但味道更加.......,所以呢間餐廳只係食過一次。另外,郵輪雖然已經好穩定,但始終都有少少搖動,經過多日响船上既生活後,當回復到陸地時 (包括期間既基隆、高雄之旅) 總係行路時覺得浮下浮下。

以郵輪形式去旅行,雖然令路程所需時間大大增加,但當坐在船上時望住大海時的景色,又係另一種體驗。

基隆之旅
由於整個旅程都係以自由行方式進行,故一切都自己計劃。出發前曾考慮是否到達基隆後搭火車去台北市,但始終認為時間會太迫切而放棄,當基隆當天就要基隆為目標。下船後馬上以旁的極樂寺為目標,之後再沿寺旁的小路到中正公園,然後到基隆一個有名的地方 - 廟口夜市食午餐,最後再到一間出名鳳梨酥的店內買點來試試。

整個基隆之旅來說,以廟口夜市最為最點,因為台灣一向以小食出名,基隆這個夜市雖然比其他台北市、高雄市的規模細小,但最總算見識這個台灣旅遊既一大賣點。

高雄之旅
再次以自由行方式去進行,第一站先到高雄市立歷史博物館,館內詳細咁介紹高雄歷史。然然再到館旁的 "愛河" 行了一會,可惜當時時間未到觀光船營業時間,否則必然會坐一坐觀光船來遊覽。之後再乘的士到號稱全亞洲最大型商場 "夢時代",重點吾係去 shopping,而係去坐坐商場頂樓既摩天輪,從高處去看看高雄既景色,最後回到碼頭旁的漁人碼頭食肆吃午餐。

Picture
"Rhapsody of the Seas"

Picture
"Rhapsody of the Seas" 模型

Picture
中正公園

Picture
廟口夜市

Picture
從 "夢時代" 的摩天輪中遠望高雄市