香港新浪網 MySinaBlog
« 上一篇 | 下一篇 »
Eric Yim | 22-03-08, 01:47 AM | 我手寫我心 | (110 Reads)

已經接近凌晨 2 點,還未瞓既我,正响房中收睇無線特備節目「台灣選戰」。節目主要講台灣既總統選舉,响節目一開始時,介紹台灣現在經濟情況。

一個台灣大學既畢業生新入職大約係HK$5,000
一個新畢業既醫生入職到醫院工作既薪金係約HK$16,000
一個有 10 年經驗既新聞從業員既薪金係約HK$20,000
一個 30 歲讀design畢業既大學生响台北街邊賣蛋卷為生
一間於台北既麵飽店每晚關門後,有很多人去執拾店舖拋棄出來的麵飽,當中包括中小學生、年輕人、老人
有的士司機因為負擔不起租金,唯有留在的士車箱內留宿
台灣是現今亞洲四小龍中,經濟排名於榜尾
有外國組織批評台灣經濟 6 年以來未有增長

香港近年都曾經試過經濟衰退、失業高企、負資產、公司倒閉,日子不好過。至今,最後香港都叫頂得過,雖然始終都返吾到去上世紀 80 年代、90 年代初既強勢,但總叫而家差差地都仲有餐飯食下。

之所以香港現時都仲叫頂得住,吾係咩香港精神、特首好野所致,最大既原因其實係因為我地有呀爺照住。香港有咩事衰起上黎,呀爺即刻照住,要票股升,開下聲話要搞股票直通車,個市即升 ; 要人有人,太空人楊利偉一上完太空,咩地方都吾使去,即黎香港 ; 要錢,即刻搞自由行,結果大陸無數同胞帶錢黎救香港。

今時今日,全世界都要食大陸水,香港人雖然對同胞仲有吾少負面意見,但如果無同呀爺支持,香港幾年前已經玩完左喇。所以香港無咁易玩完,只要一叫話吾掂,即刻有呀爺出手,不過其他地方就無咁好彩喇,有咩事,自已己搞掂喇,吾該。

香港真的很差嗎 ? 只要有呀爺一日响度,差極都有限。