香港新浪網 MySinaBlog
« 上一篇 | 下一篇 »
Eric Yim | 24-02-08, 16:39 PM | 我手寫我心 | (110 Reads)
我係英超球會阿仙奴既 fans,只要時間許可,我都會睇佢既比賽。尋晚外出食晚飯,結果無法去睇足全場英超對伯明翰既賽事,返到屋企時,己差不多十點,下半場比賽已經開始左。聽聽下講波佬講,原來上半場發生左一件慘事,......。

伊度亞度.達施華 - 今年剛加入阿仙奴,上半季表現平平,直到最近季中時,開始有表現,而且越打越出色,最近更成為球隊正選。可惜尋晚賽事中,被對手馬田.泰萊在開賽早段一次異常粗野既攔截,將一隻腳踢斷。球賽被迫暫時中止,軍醫用了接近十分鐘時間才把達施華抬離場,直接送去醫院進行手術。外國負責即場轉播既電視亦基於受傷情況會令人不安,所以無重播個受傷情況。由於我無即場睇到受傷情度,所以只係睇賽後新聞同埋電視上播出當時攔截一刻既情況,發覺馬田.泰萊既攔截目標係人,而吾係波。

靠踢波搵食既人,無左隻腳,無左隻腳既後果會點,可想而知。而家醫學發達,斷腳而醫好而重返球場係有例子,早四、五年前利物浦既施斯,亦响一場賽事中被踢斷腳,經過長時間治療後可以重返球賽,但已經不復當年勇,最後更被放棄了,而家重返家鄉既馬賽落班。雖然表現不俗,但總不能返回高峰。

球場上總有好多敗類,尤其是防守中場和後衛。一開波時,會用一 d 兇狠既防守對付對方既主力、重心球員、射手。目的係令對手怕左自己先,可以攞到心理上既甜頭。呢類型既風格,好聽就叫做硬朗 ; 吾好聽就叫茅。

呢類打法既人,吾只焗限於職業球賽既人。只係响街頭既籃球場上,我亦曾試過呢類既苦頭,一開波後,帶住個籃球,對住我好快咁衝埋黎剷籃,手肘對住我條頸攻埋去,結果狠狠咁打中我條頸,我直刻應聲倒地,之後成場波我亦被心理上既牽制。

敗類...總係充斥世界上每個角落,只要有人既地方就有,不只是比賽,只要有競爭既地方就有。敗類...亦可能係代表人性,為達到目的,便去採取不光彩既方法。