香港新浪網 MySinaBlog
« 上一篇 | 下一篇 »
Eric Yim | 18-02-08, 22:18 PM | 旅行 | (177 Reads)
啱啱既兩日一夜,同朋友一齊去左澳門玩,相比起上年成年去過十幾次澳門工作相比,吾使揹住部重重既 notebook,又吾使下下趕頭趕命咁趕船。真真正正去玩同工作相比,感覺真係寧捨不同。

今次最主要去既地方係美高梅金殿同威尼斯人。先講講威尼斯人,個賭場真係好大好大,而且個場又夠光猛,吾會好似陰陰沉沉咁。之於賭場上層既商場,又係好大,設計非常等別,個天花板噴上天藍色,而且有條人造河流圍繞住個商場,遊客可以俾錢搭觀光船去遊覽。

Picture
 整個天藍色既天花,令人進入商場後置身於美麗既天空下

Picture
俾俾錢,就可以响度上船

Picture
商場平面圖,店舖之多和種類之繁,和香港大型購物商場相比,一點也不會比下去

再講美高梅金殿,由於我吾係住威尼斯人,更加吾係住美高梅,所以我去美高梅既目的係好簡單,去賭場玩兩手。美高梅個賭雖然比吾上威尼斯人咁大,但勝在夠寬敞。但係有一樣野係美高梅優勝既地方 - 飲品,我飲過佢既膠樽裝既橙汁同甘檸汁,真係好好飲,支澄汁係有少量橙肉 ; 支甘檸汁甜甜地好入口。我睇過張招紙,呢 d 支樽飲品係响香港生產,真係好好味。

今次既手風方面,响賭場輸左 $285,但响場NBA明星期賽度我中左收 $65,所以埋單計數輸左 $220。


[1]

難得可以興興鬆鬆去澳門旅行,梗係要周圍行周圍睇下啦~*

次次睇到你出出入入澳門,次次早出發,卻是很夜才到香港~*

gOLdfiSh
[引用] | 作者 gOLdfiSh | 26-02-08 23:17 PM | [舉報垃圾留言]