今朝一起身，雖然個身仲係埋响張被度，但發覺個身都冬冬地。一起身，對腳一掂地，即刻冬到飛起。

睇黎寒冷既天氣，終於都來臨，天文台更加話寒冷會持續成個禮拜。

寒冷 - 係人生中其中一個最吾想遇到既事情。

希望溫暖盡快回歸。

記得初中時代，有人曾經同我介意過一個禦寒方法，但我至今仍然未能夠確定佢既功效。

故事圍繞三個結拜兄弟既故事，大哥有謀略、具遠見 ; 二哥勇猛、講信用 ; 三弟講道義。

三人由山賊改變到為朝廷效命當兵，其後節節勝利，最終光復叛党基地。三兄弟亦完成了當初的目的，但及後大哥為了大局著想，答應了朝廷殺了二哥 ; 後三弟因為大哥勾義嫂而要刺殺大哥 ; 最後大哥卻死响朝廷既暗殺之下 ; 三弟則因行刺身為朝廷官員的大哥為理由而被殺。

戲中戰場上每個人總係塗到污污穢穢的，而且流露出一種無奈、恐懼的樣子，表現出比較真實既戰爭一面。

由 01 年 4 月開始踏入社會工作後，我經歷過多份吾同既工作，直至而家呢份工作先算係穩定左少少，由 06 年既 3 月做到而家，都做左 21 個月。

同樣由 01 年至今，响我經常轉換工作環境既同時，亦同時睇住香港經濟既不斷變遷......。

尋日工展會開幕，公司一如以往去擺攤位。第一日開幕，我照老規矩去 set 機，亦順利成章做埋收銀。開幕第一日，大會搞開幕儀式，大約十點左右喇，咁我見我所要搞既野都七七八八，就馬上閃去會場中間個開幕典禮度睇下有咩睇，就見到我地呀特首權權坐正响第一行中間主席位度，睇到佢真係都係細細粒粒咁，而且見佢真人個樣都老老地，之不過外貌一 d 都吾緊要。一個成功既人係由佢個氣勢、派頭可以感受得到。

當開幕典禮完結後，就係嘉賓參觀個工展會既時間，一大班人包括保鏢、保安、工展職員包圍住呀權權，四周圍幾十個記者係咁圍住呀權權影相，之後仲有一大班商家佬跟住呀權權衫尾行。

香港特區第一話事人，無論佢最後得出黎既評價是好是壞，但係可以企得响呢個頂峰位置上，歷史上永遠都會記得佢既存在。做人做到咁威，呢 d 先叫做大丈夫嘛 !