香港新浪網 MySinaBlog
Eric Yim | 15-12-05, 23:25 PM | 我的各樣介紹 | (237 Reads)
今日同哥斯拉、劉野同性康一齊去尖沙咀買野,買完野後去左一間叫Rice Paper既地方食野,間野食越南菜。我地 9 點去到,前面有 2 批人等緊位,但內邊有成 5、6 張枱空左冇人坐,但因為入邊既人做野手腳慢,所以連個帶位既都要去埋執枱,結果等左成 3 個字先入到去。我地叫左紅咖喱豬頸肉、海鮮荷葉飯、牛肉串燒炒米、春卷、酸甜汁魷魚、炒左一碟白菜仔、四杯吾同口味既梳打飲品。結果係每碟野既份量少得可憐,每人得兩啖,d 魷魚又吾夠香,牛肉串既牛肉又非常硬,係得碟炒白菜仔係最好味(不過炒白菜要既技術又有幾多呢?),最後賣單要成460(位位120多謝),唉,吾夠飽、吾好食,d 侍應又吾係好得,個個都好似新黎咁,都無下次喇。