香港新浪網 MySinaBlog
Eric Yim | 20-09-05, 21:17 PM | 生活點滴 | (67 Reads)
今個中秋節點過 ? 去左哥斯拉屋企打邊爐。順便係卡神生日,俾埋份生日禮物佢喇,都玩得幾開心丫。

Eric Yim | 15-09-05, 22:07 PM | 我手寫我心 | (141 Reads)
今日突然間想講下我的興趣,其實我自己都有幾樣興趣,咁不如就由我細細已經好鐘意既野開始先喇,呢樣就係Lego...............(下文設有附圖) (閱讀全文)

Eric Yim | 14-09-05, 00:44 AM | 生活點滴 | (53 Reads)
今日收工約左呀文生去打足球機,打聯賽居然4場都未贏過(3和1負),而且無閃中,呀...............無天理..........我都好耐未試過打聯賽咁差。

Eric Yim | 11-09-05, 23:36 PM | 籃球 | (137 Reads)

聽日12/9(星期一)考Database 3,呢科我仲係retake既添,而且只要呢科pass埋,再搞掂個project就可以畢業,所以呢科都可以叫做最後一科(吾計project,因為project吾使考試)。但尋日大舊打黎搵我叫我今晚打波,咁....自己又想打,所以死就死喇,照打。

今晚個場靜過鬼,4個場夾埋都吾過20人,唯有求其搵一邊黎跟隊。今晚總共打左3場,第1場輸左,好似係輸21比12,而我攞吾到分,冇計。

第2場贏好似係22比16,我入左1球得2分。呢場波我有一個靚pass,當時我接左個波,背住大舊,眼尾係咁易望到大舊入緊籃底,咁我咪即刻後手將個波劏入去俾大舊,0個時係响2個人2隻手之間放到個波入去,靚到絶呀 ! 點知大舊接到個波上籃吾入(天呀,你咁浪費我既心機),之後佢自己搶返呢球板再上入返。

到左第3場,我打後半場時間,因為大舊冇氣(大隻雷雷咁廢架),我搭文文同大舊細佬,呢班對手係第1場我地輸俾佢同一班人,我入替時我地係贏緊10比8,最後我地都帶返終點贏22比16( 吾記得佢地係16定18 ),呢場我都係入得1球攞2分。

雖然今晚係2勝1負,但其實今晚既對手一般到不得了,平時既勁人一個都吾見,所以今晚既戰果都吾可以代表乜野。

唉.........係時候溫書,希望聽日科考試順利pass,早日畢業。

 


Eric Yim | 08-09-05, 21:24 PM | 生活點滴 | (64 Reads)
今天是2005年9月8日,係我Eric Yim既日記正式開幕的日子。希望事事順利,..................仲有咩其他說話,有待下回分解。

Previous